އުނގޫފާރު ރީޖަނަލް ހޮސްޕިޓަލްގައި އެމްއާރުއައި ގެ ޚިދުމަތް ފަށައިފި
ރ.އުނގޫފާރު ރީޖަނަލް ހޮސްޕިޓަލްގައި އެމްއާރުއައި ގެ ޚިދުމަތް ފަށައިފި އެވެ. އެހޮސްޕިޓަލްގައި ބޭއްވި ރަސްމިއްޔާތެއްގައި ޚިދުމަތް ފައްޓަވައިދެއްވީ ހެލްތް މިނިސްޓަރ އަބްދުالله ނާޒިމް އިބްރާހީމްއެވެ.
ޚިދުމަތް ފައްޓަވައިދެއްވުމަށްފަހު މިނިސްޓަރ ވިދާޅުވީ އުނގޫފާރު ހޮސްޕިޓަލުގައި އެމްއާރުއައިގެ ހިދުމަތްދޭން ފެށުމަކީ ޓާރޝަރީ ފެންވަރަށް ހޮސްޕިޓަލް ބަދަލުކުރުމަށް ކުރަންޖެހޭ މަސައްކަތުގެ އެއްބައި ކަމަށެވެ. ރައީސުލް ޖުމްހޫރިއްޔާ ޑރ.މުހައްމަދު މުއިއްޒު ވައުދުވެވަޑައިގެންފައިވާ ފަދައިން އުނގޫފާރު ރިޖަނަލް ހޮސްޕިޓަލް ޓާރޝަރީ ފެންވަރަށް ބަދަލުކޮށްދެއްވާނެކަމުގެ ޔަގީންކަން ހެލްތް މިނިސްޓަރު ޢަބްދުﷲ ނާޡިމް އިބްރާހީމް ވަނީ ރަސްމިއްޔާތުގައި ދެއްވާފައެވެ. ރައީސުލް ޖުމްހޫރިއްޔާ ވައުދުވެވަޑައިގެންނެވި ގޮތައް އުނފާރު ހޮސްޕިޓަލް ޓާރޝަރީ ފެންވަރަށް ބަދަލުކުރެއްވުމަށް ހެލްތް މިނިސްޓްރީން ކުރަން ޖެހޭ މަސައްކަތްތަކަކީ ކޮބައިތޯ ބައްލަވައި އެކަން ބާރު ސުޕީޑުގައި ކުރައްވާނެ ކަމަށް މިނިސްޓަރު ވިދާޅުވީ އެވެ.
އުނގޫފާރި ރީޖަނަލް ހޮސްޕިޓަލަކީ އަހަރެއްގެ މައްޗަށް 70,000 އެއްހާ މީހުން ޚިދުމަތް ހޯދާ ހޮސްޕިޓަލެކެވެ. ނ.ރ އަދި ބ އަތޮޅުގެ ރަށްތަކުންވެސް ގިނަ އަދަދެއްގެ މީހުން އެހޮސްޕިޓަލުން ހޯދައެވެ.
ރިއެކްޝަންސް
