އެހީތެރިކަން ބޭނުންވާ ފަރާތްތަކުން ގުޅަންވީ 115 އަށް!
ޒުވާނުންގެ މަރުކަޒުގައި އިމަޖެންސީ އިވެކިއުއޭޝަން ސެންޓަރު ވަނީ ޤާއިމްކޮށްފަ
ހައުސިންގ މިނިސްޓްރީއާއި ކޮންސްޓްރަކްޝަން މިނިސްޓްރީ ހިމެނޭ އިމާރާތުގައި އަލިފާން ރޯވެ ހިނގި ހާދިސާއާއި ގުޅިގެން އެހީތެރިކަން ބޭނުންވާ ފަރާތްތަކުން 115 އަށް ގުޅުމަށް ނޭޝަނަލް ޑިޒާސްޓަރ މެނޭޖްމަންޓް ސެންޓަރުން އެދިއްޖެއެވެ.
އެސެންޓަރުން ބުނީ އަލިފާނުގެ ހާދިސާއާ ގުޅިގެން ޒުވާނުންގެ މަރުކަޒުގައި އިމަޖެންސީ އިވެކިއުއޭޝަން ސެންޓަރެއް ޤާއިމްކޮށްފައިވާ ކަމަށެވެ. ސެންޓަރަށް ދިއުމުންވެސް އަދި 115 އަށް ގުޅުމުންވެސް އެހީތެރިކަން ފޯރުކޮށެދޭނެ ކަމަށް ނޭޝަނަލް ޑިޒާސްޓަރ މެނޭޖްމަންޓް ސެންޓަރުން ބުންޏެވެ.
އަލިފާނުގެ ހާދިސާއާ ގުޅިގެން އެއިމާރާތް ހިމެނޭ ސަރަހައްދު ތަކުގެ ގެތަކުން ސިފައިންނާއި ފުލުހުން ވަނީ މީހުން ހުސްކޮށްފައެވެ. އަދި އަލިފާން ރޯވި އިމާރާތުން ލިޔެލިޔުންތައް ސަލާމަތް ކުރުމުގެ މަސައްކަތްވެސް ފުލުހުންނާއި ސިފައިން ދަނީ ކުރަމުންނެވެ.
އަލިފާން ނިއްވާލެވުމަށް ކަމަށް އެމްއެންޑިއެފްއިން ނުބުނެއެވެ. ނަމަވެސް އެއިމާރާތް މިހާރު ވަނީ ގާތްގަނޑަކަށް ބިމާ ހަމަވެފައެވެ.
ރިއެކްޝަންސް
