ގުރައިދޫ ކްއާޓާ ފައިނަލަށް, ތިމަރަފުށްޓަށް ބާރު ގެއްލިއްޖެ
ނައިންޓީ ޕްލަސް ގޯލްޑްކަޕްގެ ކްއާޓާ ފައިނަލުން ގުރައިދޫ ޖާގަހޯދާ, ތިމަރަފުށްޓަށް އަމިއްލަ ބާރު ގެއްލި ފރުރުޞަތު ހަނިވެއްޖެ އެވެ.
ކ.ގުރައިދޫ ކްއާޓާ ފައިނަލަށް ދަތުރުކުރީ ގްރޫޕް ސްޓޭޖްގެ ދެވަނަ ބުރުގައި 1-0 ން ތިމަރަފުށި ބަލިކޮށްގެންނެވެ. މެޗުން ގުރައިދޫ މޮޅުކޮށްދޭން ލަނޑު ޖެހީ ބިދޭސީ ފޯވާޑް އަހުމަދު އިބްރާހީމް އެވެ. މިމެޗާއެކު ގުރައިދޫ އަށް ކްއާޓާގެ ޖާގަ ޔަގީންވީ ތިން ޓީމް ހިމެނޭ ގްރޫޕުން ތިން ޕޮއިންޓާއެކު, ދެވަނަ ޔަގީންވުމުންނެވެ. އެއީ ތިމަރަފުށީގެ ދެމެޗު ނިމުނުއިރު އެޓީމަށް އެއް ޕޮއިންޓް ލިބުމުންނެވެ. ތިމަރަފުށި ފުރަތަމަ މެޗުގައި ފުވައްމުލައް ސިޓީއާ ވާދަކޮށް ނިމުނީ 1-1 ން އެއްވަރު ވެގެންނެވެ. އެހެންކަމުން ދެ މެޗުން އެޓީމަށް ލިބުނީ ޕޮއިންޓެކެވެ.
މިގްރޫޕްގެ ފަހު މެޗުގައި ހޮނިހިރު ދުވަހުގެރޭ ވާދަކުރާނީ ގުރައިދޫ އާއި ފުވައްމުލައް ސިޓީއެވެ. އެމެޗުން ދެ ލަނޑުގެ ތަފާތަކުން ބަލިނުވެއްޖެ ނަމަ ގުރައިދޫއާއެކު ކްއާޓާ އަށް ދަތުރުކުރާނީ ފުވައްމުލައް ސިޓީއެވެ. ދެ ލަނޑަށްވުރެ ތަފާތު ބޮޑުކޮށް ފުވައްމުލައް ބަލިވެއްޖެ ނަމަ, ގުރައިދޫއާއެކު ތިމަރަފުށްޓަށް ކްއާޓާ ފައިނަލްގެ ޖާގަ ލިބޭނެ އެވެ.
ރިއެކްޝަންސް
