ދުބާއީއާއި ތައިލެންޑުން އާސަންދަ ލިބޭ އެއްބަސްވުމުގައި ސޮއިކޮށްފި
ޖެނުއަރީ 15 ން ފެށިގެން ޚިދުމަތް ލިބޭނެ
ދުބާއީއާއި ތައިލެންޑުން އާސަންދަ ސްކީމްގެ ދަށުން ބޭސްފަރުވާ ލިބޭ އެއްބަސްވުމުގައި ސޮއިކޮށްފިއެވެ.
އާސަންދަ ކުންފުނީގެ ފަރާތުން މިއަދު ސޮއިކުރީ ތައިލެންޑްގެ ދަ ވޯރލްޑް މެޑިކަލް ހޮސްޕިޓަލާއި ބެންކޮކް ހޮސްޕިޓަލުންނެވެ. އަދި ދުބާއީން ސޮއިކުރީ ބުރްޖީލް މެޑިކަލް ސިޓީއާއެކު އެވެ. ބެންކޮކް ހޮސްޕިޓަލަކީ މިހާރުވެސް ދިވެހިން ޚިދުމަތް ހޯދަން ދާ ހޮސްޕިޓަލެކެވެ.
ތައިލެންޑުންނާއި ދުބާއީން އާސަންދައިގެ ޚިދުމަތް ދިނުމަކީ ރައީސުލްޖުމްހޫރިއްޔާ ޑރ.މުޙައްމަދު މުއިއްޒުގެ ވައުދެކެވެ. އާސަންދައަކީ ހަމައެކަނި ވަކި ގައުމަކުން ލިބޭ ޚިދުމަތަކަށް ވާން ބޭނުންފުޅު ނުވާކަމަށް ރައީސުލްޖުމްހޫރިއްޔާ ވަނީ ވިދާޅުވެފައެވެ.
https://x.com/AasandhaLtd/status/1866427449388802121
މިއަދު ސޮއިކުރި އެއްބަސްވުމުގެ ދަށުން ކުރިއަށް އޮތް ޖެނުއަރީ މަހުގެ 15 ވަނަ ދުވަހުން ފެށިގެން އެދެގައުމުން ޚިދުމަތް ލިބޭނެ ކަމަސް އަސަންދަ ކުންފުނިން ވަނީ ބުނެފައެވެ.
އެއްބަސްވުންތަކުގައި އާސަންދަ ކުންފުނީގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ އާމިނަތު ޒީނިޔާ އެވެ.
ރިއެކްޝަންސް
