އެމެރިކާގެ ކުރީގެ ރައީސް ޖިމީ ކާޓަރ އަވަހާރަވުމާ ގުޅިގެން ރައީސް މުއިއްޒު ތަޢުޒިޔާ ވިދާޅުވެއްޖެ
އެމެރިކާގެ ކުރީގެ ރައީސް ޖިމީ ކާޓަރ އަވަހާރަވުމާ ގުޅިގެން ރައީސުލް ޖުމްހޫރިއްޔާ ޑޮކްޓަރ މުޙައްމަދު މުއިއްޒު ތަޢުޒިޔާ ވިދާޅުވެއްޖެއެވެ.
ޖިމީ ކާޓަރގެ އާއިލާއަށާއި އެމެރިކާގެ ސަރުކާރަށް ތައުޒިޔާ ވިދާޅުވެ އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ އެމެރިކާގެ ކުރީގެ ރައީސް, ޖޭމްސް އަރލް ކާޓަރ އަވަހާރަވީ ޚަބަރު އެއްސެވީ ފުން ހިތާމަ އާއެކު ކަމަށެވެ.
"ޤައުމަށް (އެމެރިކާ) އަށް ދިމާވި ޤައުމީ ހިތާމަގެ މިދަނޑިވަޅުގައި ދިވެހިރާއްޖޭގެ ސަރުކާރާއި ރައްޔިތުން އެކުގައި އެމެރިކާގެ ރައްޔިތުންނާއި ސަރުކާރަށް އިޙްލާސްތެރި ކަމާއިއެކު ތައުޒިޔާ ދަންނަވަން. ޙާއްސަކޮށް ކުރީގެ ރައީސް ކާޓަރގެ ލޮބުވެތި އާއިލާއަށް" ރައީސްގެ ތައުޒިޔާގެ މެސެޖުގައި ވެއެވެ.
އެމެރިކާގެ 39 ވަނަ ރައީސް ޖިމީ ކާޓަރ އަވަހާރަވީ އުރުމުން 100 އަހަރާއި ދެ މަހުގައެވެ. 1977 ން 1981 ށް އެމެރިކާގެ ރައީސްކަން ކުރެއްވި ކާޓަރ ވަނީ 2002 ވަނަ އަހަރު ނޯބަލް ސުލްހައިގެ އިނާމްވެސް ޙާސިލްކުރައްވާފައެވެ.
2013 ފެށިގެން ކާޓަރ ގެންދަވަނީ ކެންސަރުގެ އާލާސްކަންފުޅަށް ފަރުވާ ހޯއްދަވަމުންނެވެ. އަވަހާރަ ވީއިރު ކާޓަރ އޮންނެވީ އެމެރިކާގެ ޖޯޖިއާގެ ޕްލެއިންސްގައި ހުންނަ ކާޓަރގެ އަމިއްލަ ގެކޮޅުގައެވެ. ނަމަވެސް ކާޓަރ ގެ މަރާ ގުޅިގެން ކާޓަރ ސެންޓަރުން އިތުރު މަޢުލޫމާތު ހާމަކުރައްވާފައެއް ނުވެއެވެ.
ކާޓަރ މަރާ ގުޅިގެން ޖެނުއަރީ 9 ވަނަ ދުވަހަކީ އެމެރިކާގެ ހުރިހާ ސްޓޭޓޭއްގައި ޤައުމީ ހިތާމައިގެ ދުވަސްކަމުގައި ވައިޓްހައިސްއިން ވަނީ ހަމަޖައްސާފައެވެ.
ރިއެކްޝަންސް
