ޔުނައިޓަޑް އާއެކު އަމޯރިމް އަށް އުނދަގޫ ދަތުރެއް, ނޮޓިންގހަމް ފޮރެސްޓް ކައިރިން މޮޅެއް ނުވެވުނު
އިނގިރޭސި ޕްރިމިއަރ ލީގުގައި އާދިއްތަ ދުވަހު މެންޗެސްޓަރ ޔުނައިޓަޑް އާއި ނޮޓިންގހަމް ފޮރެސްޓް ވާދަކުރި މެޗު 3-2 ން ނޮޓިންގހަމް ފޮރެސްޓް ކާމިޔާބުކޮށްފިއެވެ. މެޗުގެ ވަރަށް ކުރީކޮޅު ލީޑު ނެގީވެސް ނޮޓިންގހަމް އިންނެވެ. މެޗަށްފަހު ކްލަބްގެ ކޯ-އޯނަރު ސަރ ޖިމް ރެޓްކަލްފް ވަނީ ޔުނައިޓަޑް އޮތީ ވަރަށް އެވްރެޖްކޮށް ކަމަށާއި ހާލަތު ބަދަލުކުރަން އާންމުކޮށް ނުނަގާ ފިޔަވަޅުތަކެއް އަޅަންޖެހޭ ކަމަށް ބުނެފައެވެ.
އޯލްޑް ޓްރެފޯޑްގައި ކުޅުނު މެޗުގައި ނޮޓިންގހަމްގެ ފުރަތަމަ ގޯލް މެޗުގެ 2 ވަނަ މިނިޓްގައި އެލިއޮޓް އެންޑަރސަން ތަނަވަސްކޮށްދިން ފުރުޞަތުގައި ކާމިޔާބުކުރީ ނިކޮލާ މިލެންކޮވިޗް އެވެ. ފުރަތަމަ ހާފު ނިމުގެ ކުރިން 18 ވަނަ މިނިޓްގައި ރަސްމުސް ހޮއިލުންޑްގެ ގޯލުން ޔުނައިޓެޑްއިން ނަތީޖާ އެއްވަރުކުރިއެވެ. ނަމަވެސް ދެވަނަ ހާފު ފެށިގެން 2 ވަނަ މިނިޓްގެ ތެރޭގައި ފޮރެސްޓުން ވަނީ ދެވަނަ ފަހަރަށް ލީޑު ނަގާފައެވެ. މޯގަން ގިބްސް ވައިޓް އަށް ގޯލް ޖެހުމުގައި އެހީތެރިވީ ހުޑްސަން އޮޑޯއީ އެވެ.
ފޮރެސްޓުން ފާއިތުވެދިޔަ 30 ހަކަށް އަހަރުގެ ތެރޭގައި ޔުނައިޓަޑްގެ މައްޗަށް ނުހޯދޭވަރުގެ ބޮޑު ކާމިޔާބީއެއް ހޯދީ ކްރިސް ވުޑް ކާމިޔާބުކޮށްދިން ގޯލާއެކުއެވެ. 54 ވަނަ މިނިޓްގައި މިގޯލް ކާމިޔާބުކުރުމުގައި އެހީތެރިވީ ގިބްސް ވައިޓްއެވެ. ޔުނައިޓަޑްއިން ވަނީ 61 ވަނަ މިނިޓްގައި ނަތީޖާގެ ފަރަގު ކުޑަކޮށްފައެވެ. އަމަޑް ޑިއަލޯގެ އެހީތެރިކަމާއެކު ޔުނައިޓަޑްގެ ދެވަނަ ގޯލް ކާމިޔާބުކުރީ ބްރޫނޯ ފެނާންޑޭޒްއެވެ.
މިއީ ޔުނައިޓަޑާ އަލަށް ހަވާލުވި ރުބެން އަމޯރިމްގެ އިރުޝާދުގެ ދަށުން ފާއިތުވި ހަތަރު ދުވަހުގެ ތެރޭގައި ޔުނައިޓަޑްގެ ދެވަނަ ބައްޔެވެ. އެންމެ ފަހުން ކުޅުނު މެޗުންވެސް ޔުނައިޓަޑް ވަނީ 0-2 ން އާސެނަލް އަތުން ބަލިވެފައެވެ. ބެލެވޭ ގޮތުގައި ކްލަބަށް ދިމާވެފައިވާ މައްސަލަ ހައްލުކުރުމަށް ކުރިއަށް އޮތް ޓްރާންސްފަރ ވިންޑޯގައި މަސައްކަތްތަކެއް ކުރާނެއެވެ. އެކަމަކު އޭގެ ކުރިއަށްހުރި މެޗުތަކުގައި ޔުނައިޓަޑްގެ ހާލަތު ދަށްވިޔަ ނުދިނުމަށް އަމޯރިމްއަށް އަށް އޮތީ އުނދަގޫ ދަތުރެކެވެ.
އާދިއްތަ ދުވަހުގެ ނަތީޖާއާއެކު މެންޗެސްޓަރ ޔުނައިޓަޑް އޮތީ ލީގު ތާވަލްގެ 13 ވަނަގައިގައި, 15 މެޗުން 19 ޕޮއިންޓާ އެކުއެވެ. 27 ޕޮއިންޓާއެކު ނޮޓިންގހަމް ފޮރެސްޓްވަނީ 5 ވަން މަގާމަށް ކުރިއަށް ޖެހިލާފައެވެ.
ރިއެކްޝަންސް
