ކުނބުރުދޫގައި ފެނުގެ ނިޒާމް ޤާއިމްކޮށް ޚިދުމަތް ދޭން ފަށައިފި
ކުނބުރުދޫގައި ފެނުގެ ނިޒާމް ޤާއިމްކޮށް ޚިދުމަތް ދޭން ފަށައިފިއެވެ.
އދ.ކުނބުރުދޫގައި ޚިދުމަތް ދޭން ފެށީ އާރުއޯ ފެސިލިޓީ ޤާއިމްކޮށް, ފެން އުފައްދާ ދެ އާރުއޯ ޕްލާންޓްވެސް ބަހައްޓައިގެންނެވެ. ކުނބުރުދޫގައި ވަނީ ފެން ރައްކާކުރުމަށް ދެ ތާނގީ ބަހައްޓާފައެވެ. ފެނުގެ ވިޔުގަ އަޅާ, ގޭގެއަށް ފެން ގުޅައިދީފައިވާ ކަމަށް އެމް.ޑަބްލިޔު.އެސް.ސީން ބުންޏެވެ. ކުނބުރޫގައި ފެނުގެ ނިޒާމް ޤާއިމްކޮށް, ރައްކާތެރި ބޯފެން ފޮރުކޮށްދިނުމަށް އެރަށުގައި 2.75 ކިލޯމީޓަރުގެ ފެން ހޮޅީގެ މައިނެޓްވޯކެއް ވަނީ އަޅާފައެވެ. މުޅި މަޝްރޫއަކީ 45 މިލިއަން ރުފިޔާގެ މަޝްރޫއެކެވެ.
އެމް.ޑަބްލިޔު.އެސް.ސީގެ މެނޭޖިންގ ޑިރެކްޓަރ އަބްދުލް މަތީން ވިދާޅުވީ އދ.ކުނބުރުދޫގައި ފެނުގެ ނިޒާމު ޤާއިމުކޮށްނިމި ރައްޔިތުންނަށް ރައްކާތެރި ފެނުގެ ޚިދުމަތް ކަށަވަރުވެގެން މިދިޔައީ ވަރަށް ގިނަބައެއްގެ ބުރަ އަދި މިންނެތް މަސައްކަތުން ކަމަށެވެ.
"އެކަމަށްޓަކައި މި މަސައްކަތް ކާމިޔާބު ކަމާއެކު ނިންމާލުމުގައި އެކި ގޮތްގޮތުންނާ އެކި ހައިސިއްޔަތުން ބައިވެރިވި އެންމެހާ ފަރާތްތަކަށް ހައްޤު ޝުކުރު އަދާކުރާ ހިނދު ކުނބުރުދޫ ގެ ރައްޔިތުންނަށް ތަހުނިޔާ ދަންނަވަން."
ކުނބުރުދޫގައި ފެނުގެ ނިޒާމް ޤާއިމް ކުރުމުގެ މަސައްކަތް ފެށީ 2021 ވަނަ އަހަރުއެވެ.
ރިއެކްޝަންސް
