ރޮނަލްޑޯގެ މައްޗަށް ކުރި ހޯދީ ބެންޒިމާ
ރެއާލް މެޑްރިޑްގައި އެކުގައި ކުޅުނު ދެ ފޯވާޑުން ކަމަށްވާ ރޮނަލްޑޯއާއި ބެންޒިމާ ސައުދީ ޕްރޯ ލީގުގައި ވާދަކުރި މެޗުން ބެންޒިމާގެ އަލް އިއްތިހާދު ކުރި ހޯދައިފިއެވެ.
ބެންޒިމާގެ ކެޕްޓަން ކަމުގެ ދަށުން ކުޅުނު އަލް އިއްތިހާދު ކުރި ހޯދީ 1-1 ން އެއްވަރުވާން ދިޔަ މެޗުގެ އިތުރު ވަގުތުގައި ލަނޑު ޖަހައިގެންނެވެ. މެޗުގެ ދެވަނަ ހާފް ފަށައިގެން 10 ވަނަ މިނިޓްގައި އަލް އިއްތިހާދަށް ކުރި ހޯދައިދިނީ ކެޕްޓަން ބެންޒިމާ އެވެ. އޭގެ ދެ މިނިޓް ފަހުން އަލް-ނަޞްރަށް ނަތީޖާ ހަމަހަމަކޮށްދިނީ ކެޕްޓަން ރޮނަލްޑޯ އެވެ. މެޗުން އަލް އިއްތިހާދު މޮޅުކޮށްދިނީ ޓޮޓްނަމްގެ ކުރީގެ ފޯވާޑް ސްޓީވަން ބާގްވިން އެވެ.
މިނަތީޖާއާއެކު 13 މެޗުން 36 ޕޮއިންޓް ހޯދައިގެން ތާވަލްގެ އެއްވަނައިގައި އޮތީ އަލް އިއްތިހާދެވެ. އަލް-ނަޞްރު އޮތީ 13 މެދުން 25 ޕޮއިންޓާއެކު 4 ވަނައިގައެވެ. ދެވަނައިގައި އޮތީ 12 މެޗުން 31 ޕޮއިންޓާއެކު އަލް ހިލާލެވެ.
ރިއެކްޝަންސް
