މީޑިޔާ ކައުންސިލްގެ އިންތިޚާބުގެ ވޯޓްލުން ފަށައިފި

މީޑިޔާ ކައުންސިލް (އެމްއެމްސީ)ގެ އިންތިޚާބުގެ ވޯޓްލުން ފަށައިފި އެވެ.

މީޑިޔާ ކައުންސިލްގެ ދައުރު މިމަހުގެ 14 ވަނަ ދުވަހަށް ހަމަވާތީ ބާއްވާ އިންތިޚާބުގައި އިންތިޚާބު ކުރަނީ މީޑިޔާތަކުން 7 މެމްބަރުންނާއި, އަމިއްލަ ފަރާތްތަކުގެ ތެރެއިން ތިން މެމްބަރުންނެވެ. މީޑިޔާ ތަކުން 11 މެމްބަރުން އަދ އަމިއްލަ ގޮތުން 11 މެމްބަރުން މިފަހަރު ވާދަކުރެއެވެ. މީޑިޔާ ކައުންސިލްގައި ޖުމްލަ 15 މެމްބަރުން ތިބެއެވެ. އެއީ މީޑިޔާ ތަކުން 8 މެމްބަރުންނާއި, އާއްމުންގެ ތެރެއިން 7 މެމްބަރުންނެވެ. ނަމަވެސް މިމަހުގެ 14 ވަނަ ދުވަހަށް ދައުރު ހަމަވަނީ އޭގެތެރެއިން ޖުމްލަ 10 މެމްބަރުންނެވެ.

މިއިންތިޚާބުގައި ވޯޓްލުމަސް ރަޖިސްޓްރީ ކުރީ 148 މީޑިޔާ އަކުންނެވެ. މީޑިޔާ ކައުންސިލްގެ ދައުރަކީ ދެ އަހަރެވެ. ވިދިވިދިގެން ދެ ދައުރު އެކަކަށް މެމްބަރު ކަމެއް ނުކުރެވެއެވެ. ދައުރުގެ ތެރެއިން އިންތިޚާބުވާ މެމްބަރަކަށްވެސް ދެ އަހަރުގެ ދައުރެއް ފުރިހަމަ ކުރުމުގެ ފުރުޞަތު ޤާނޫނުން ލިބިދެއެވެ.

މިފަހަރުގެ އިންތިޚާބުގައި ވޯޓްލުން ކުރިއަށްދަނީ ޒުވާނުންގެ މަރުކަޒުގައެވެ.