ސްޓެލްކޯގައި މަސައްކަތްކުރާ ނުކުޅެދުންތެރިކަން ހުންނަ މުވައްޒަފުން ސާބިތުކޮށްދެނީ މަސައްކަތުގެ މާހައުލުގައި ފުރިހަމައަށް ހިއްސާވެވޭނެ މީހެއްކަން: ފަހުމީ
ސްޓެލްކޯގައި މަސައްކަތްކުރާ ނުކުޅެދުންތެރިކަން ހުންނަ މުވައްޒަފުން މި މުޖުތަމަޢުއަށް ސާބިތުކޮށްދެމުންދަނީ ތަފާތުކުރުމެއްނެތި ފުރުޞަތު ލިބިދީފިނަމަ ކޮންމެ މީހަކީވެސް މަސައްކަތުގެ މާޙައުލާއި މުޖުތަމަޢުގައި ފުރިހަމައަށް ޙިއްޞާވެވޭނެ މީހެއްކަން ކަމުގައި ސްޓޭޓް އިލްކްޓިރްކް ކޮމްޕެނީ ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
ފަހުމީ މިހެން ވިދާޅުވީ ނުކުޅެދުންތެރިންގެ ދުވަހާ ގުޅޭ ގޮތުން ސޯޝަލް މީޑިއާގައި އާންމު ކުރެއްވި ޕޯސްޓެއްގައެވެ.
ސްޓެލްކޯގައި މިހާރުވެސް އެކިކަހަލަ ނުކުޅެދުންތެރިކަން ހުންނަ 50 މުވައްޒަފުން ހީވާގިކަމާއެކު ވަޒީފާއަދާކުރަމުން ދާކަމަށް އެކުންފުނިން ވަނީ ހާމަކުރައްވާފައެވެ.
ސްޓެލްކޯގެ މެނޭޖިންގ ޑިރެކްޓަރ ވިދާޅުވީ އެކުންފުނީގައި މަސައްކަތް ކުރައްވާ އެކިކަހަލަ ނުކުޅެދުންތެރިކަން ހުންނަ ފަރާތްތައް މަސައްކަތް ކުރަމުން އަންނަނީ ވަރަށް ހީވާގިކަމާއެކު އެހެން މުވައްޒަފުންނާ އެއްވެސް ތަފާތުކުރުމެއް ނެތިކަމަށެވެ.
ފަހުމީ ވިދާޅުވީ އެކަމާ ފަޚުރުވެރިވާ ކަމަށާއި އެމުވައްޒަފުން ދިވެހި މުޖުތަމައަށް ސާބިތުކޮށްދެއްވަނީ ތަފާތު ކުރުމެއްނެތި ފުރުސަތު ލިބިދީފިނަމަ ކޮންމެ މީހަކީވެސް މަސައްކަތުގެ މާޙައުލާއި މުޖުތަމަޢުގައި ފުރިހަމައަށް ޙިއްޞާވެވޭނެ މީހެއްކަން ކަމަށެވެ.
ރިއެކްޝަންސް
