ފަލަސްތީން ރައްޔިތުންގެ ވޭން ދިވެހިންގެ ގައިގަވެސް އަޅާ- ރައީސް މުއިއްޒު
ފަލަސްތީން ރައްޔިތުންގެ ގައިގަ އަޅާ ކޮންމެ ވޭނެއް ދިވެހިންގެ ގައިގަވެސް އަޅާ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ. ދިވެހިން ތިބީ ފަލަސްތީނާއެކުގައި ކަން ބަޔާންކޮށްދެއްވަމުން މިއަދު ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ ފަލަސްތީނަށް އިންސާފް ހޯދައިދިނުމަށް ވަކާލާތުކޮށް, ފަލަސްތީނުގެ ރައްޔިތުންގެ ސުލުހައަށް ގޮވާލުމުގައި މަސައްކަތްކުރުމުގައި ދިވެހި ރައްޔިތުން އަބަދުވެސް ދެމިތިބޭނެ ކަމަށެވެ.
https://x.com/MMuizzu/status/1862349862773063878
ފަލަސްތީނުގެ ރައްޔިތުންނާއެކު ތިބިކަން ހާމަކުރުމުގެ ބައިނަލްއަޤްވާމީ ދުވަހާ ގުޅިގެން ކުރެއްވި ޕޯސްޓްގައި ރައީސުލްޖުމްހޫރިއްޔާ ވިދާޅުވީ ސިޔާސީ ވިސްނުމާއި, އިގްތިޞާދީ ބާރަށް ވިސްނުން ދޫކޮށް ފަލަސްތީނުގެ ރައްޔިތުންނާ ދެކޮޅަށް ކުރާ ކުރާ އަނިޔާވެރި އަމަލުތައް ހުއްޓާލުމުގެ މަޝަވަރާތައްކޮށް, އެކަން ނިމުމަކަށް ގެންނަން ޖެހޭކަމަށެވެ. އެކަމަށް ރައީސް މުއިއްޒު ވަނީ ބައިނަލްއަޤްވާމީ މުޖުތަމައުއަށް ގޮވާލައްވާފައެވެ.
ރައީސުލްޖުމްހޫރިއްޔާ ވިދާޅުވީ ހަމައެކަނި ހައްލަކީ ފަލަސްތީން މިނިވަންކަން, އެމީހުންގެ އަމިއްލަ ދައުލަތެއްގެ ގޮތުގައި ދެމިއޮތުމުގެ ފުރުޞަތު ދިނުން ކަމަށެވެ.
ރިއެކްޝަންސް
