ދަރުމަވަންތަ ހޮސްޕިޓަލާ ދިމާ ބޭރުން, މޫދުން އަނިޔާވެފައިވާ މީހަކު ފެނިއްޖެ
ދަރުމަވަންތަ ހޮސްޕިޓަލާ ދިމާ ބޭރުން, މޫދުން އަނިޔާވެފައިވާ މީހަކު ފެނިއްޖެއެވެ. ފުލުހުން ބުނީ ބޭރު ތޮށިން މޫދުން ފެނުނު އަނިޔާވެފައިވާ މީހަކަށް އައިޖީއެމް ހޮސްޕިޓަލަށް ގެންގޮސް ފަރުވާދެމުން ދާކަމަށެވެ.
އަނިޔާވެފައި އޮއްވާ މޫދުން ފެނުނީ ދިވެހި ފިރިހެނެއް ކަމަށް ފުލުހުން ބުންޏެވެ. ހޮސްޕިޓަލާ ހަވާލާދީ ފުލުހުން ބުނީ އެމީހާގެ ބޮލަށް އަނިޔާވެފައިވާ ކަމަށެވެ. ފުލުހުން ބުނީ އަނިޔާވެފައި ވަނީ އުޅަނދެއްގައި ޖެހިގެން ކަމަށް ބެލެވޭ ކަމަށެވެ. ސީންގައި ފުލުހުން ދަނީ ހަރަކާތްތެރި ވަމުންނެވެ.
ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ. އަނިޔާ ލިބިފައިވާ މީހުން މޫދުން ފެނުމާއި, މޫދުގައި ތިއްބާ ދިމާވާ އެކްސިޑެންޓްތަކުގައި އަނިޔާ ލިބޭ މީހުން އަދި މަރުވެފައި އޮއްވާ މޫދުން ފެންނަ މީހުން މިފަހުން އިތުރެވެ.
ރިއެކްޝަންސް
