2022 ވަނަ އަހަރު 2400 އަށްވުރެ ގިނަ މުވައްޒަފުން ފެނަކައަށް ވެއްދި
2022 ވަނަ އަހަރު 2400 އަށްވުރެ ގިނަ މުވައްޒަފުން ފެނަކައަށް ވެއްދިކަން ހިސާބުތަކުން ހާމަވެއްޖެ އެވެ. 2021 ވަނަ އަހަރު ފެނަކައިގަ ތިބީ 3967 މުވައްޒަފުންނެވެ. ނަމަވެސް 2023 ވަނަ އަހަރު ނިމުނުއިރު އެއަދަދު 6450 އަށް އިތުރުވިއެވެ. އެއީ އެއަހަރު 2483 މީހުން ފެނަކައިގެ ވަޒީފާތަކަށް ވެއްދުމުންނެވެ.
ނިމުނު 2023 ވަނަ އަހަރު ފެނަކައަށް ވެއްދީ 682 މުވައްޒަފުންނެވެ. އަހަރު ނިމުނުއިރު ޖުމްލަ އެކުންފުނީގައި 7132 މުވައްޒަފުން ތިބިކަމަށް ދައްކައެވެ. 2018 ވަނަ އަހަރު ނިމުނުއިރު ފެނަކައިގަ ތިބީ 2756 މުވައްޒަފުންނެވެ. އެހެންކަމުން މިދިޔަ ފަސް އަހަރުގެ ތެރޭގައި އެއަދަދު ވަނީ ތިންގުނައަށް ވުރެ އިތުރު ވެފައެވެ.
ފެނަކައިގެ ދަރަނި ބޮޑުވެ, ކުންފުނީގެ މުވައްޒަފުން މިފަހުން ވަކިވެސް ކުރިއެވެ. ފެނަކައަކީ ދަރަނި އެންމެ ބޮޑު ސަރުކާރުގެ އެއް ކުންފުންޏެވެ. އެކުންފުނި އެސްޓީއޯގެ ދަށަށް ގެންދިއުމުގެ ވިސްނުންތަކެއްވެސް ސަރުކަރުން ގެންގުޅުނެވެ. ނަމަވެސް މިހާރު ސްޓެލްކޯގެ ދަށަށް ގެންދިއުމުގެ ވިސްނުންތަކެއް ގެންގުޅޭ ކަމުގެ މައުލޫމާތު ވަނީ ލިބިފައެވެ.
ރިއެކްޝަންސް
