ފުރުގާން މިސްކިތުގެ މިސްޙަފްތައް އުކާލާ, އިތުރު ގެއްލުންތަކެއް ދީފި
ފުރުގާން މިސްކިތުގެ މިސްޙަފްތައް އުކާލާ, އިތުރު ގެއްލުންތަކެއް ދީފި އެވެ. އެކަންކުރިކަމަށް ޝެއިޙު އާދަމް ނިޝާން ވަނީ ފޭސްބުކް މެދުވެރިކޮށް ސަމާލުކަމަށް ގެނެސްފައެވެ.
އެކަން ހިނގާފައިވަނީ ފަތިސް ނަމާދުގެ ކުރިންނެވެ. މުސްހަފްތައް މުޅިތަނަށް އުކާލުމުގެ އިތުރުން އިމާމް ހުންނަ ދިމާލުގެ ކަރަންޓް ބޯޑްތަކާއި, އެއަށް ޖަހާފައިހުރި އެޑަޕްޓަރުތައް ވަނީ ތަޅާ ހިމުންކޮށްފައެއެވެ. އޭގެ ފޮޓޯއާއި ވީޑިއޯވެސް ޝެއިހު ނިޝާން ވަނީ ހިއްސާކޮށްފައެވެ. މީގެއިތުރުން ވުޟޫ ކުރާބައިގެ ބައެއް އިސްކުރުތައް ބިންދާލާ, މިސްކިތުގެ ބައެއް އެއްޗިހި އެތަނަށްވެސް ވަނީ އުކާލާފައެވެ.
އެކަންކޮށްފައިވަނީ އަބަދުހެން އެމިސްކިތުގައި ނިދާފައި އޮންނަ ބުއްދިފިލާގޮސްފައިވާ ޒުވާނެއް ކަމަށް ޝެއިހު ނިޝާން ލިޔެފައި ވެއެވެ. ނަމަވެސް ފުލުހުން ހަމައެކަނި ބުނީ ފުރުގާން މިސްކިތަށް ގެއްލުންދީފައިވާ މައްސަލައެއް މިއަދު ފަތިހު ރިޕޯރޓްކޮޑްފައިވާ ކަމަށެވެ. އަދި މައްސަލަ ދަނީ ތަހުގީގު ކުރަމުން ދާކަމަށެވެ.
އެއީ ކެމެރާ ހަރުކޮށްފައި ހުންނަ މިސްކިތެކެވެ. މީގެކުރިންވެސް އެތައްފަހަރަކު މުސްހަފްތައް އުކާލާ މިސްކިތަށް އެހެން ގެއްލުންތައްވެސް ދީފައި ވެއެވެ.
ރިއެކްޝަންސް
