2028 ވަނަ އަހަރު ޕީއެންސީގެ ރިޔާސީ ކެންޑިޑޭޓަކީ ރައީސް މުއިއްޒު

2028 ވަނަ އަހަރު އޮންނަ ރިޔާސީ އިންތިޚާބުގައި ޕީއެންސީގެ ރިޔާސީ ކެންޑިޑޭޓަކީވެސް މިހާރުގެ ރައީސް ޑރ.މުހައްމަދު މުއިއްޒު ކަމަށް އެޕާޓީގެ ޗެއަރޕަސަން އަބްދުއްރަހީމް އަބްދުالله ވިދާޅުވެއްޖެ އެވެ. ޕީއެންސީގެ އެތެރޭގެ އިންތިޚާބަށްފަހު ނޫސްވެރިންނާ ވަހަކަ ދައްކަވަމުން އަބްދުއްރަހީމް ވިދާޅުވީ އެއީ އެޕާޓީގެ އަސާސީ ގަވާއިދުގައި އޮތްގޮތް ކަމަށެވެ.

ޕީއެންސީގެ އަސާސީ ގަވާއިދުގައި ބުނަނީ އެޕާޓީގެ ބޭފުޅަކުން ރައީސުލްޖުމްހޫރިއްޔާ ކަމުގައި ހުންނަވަނިކޮށް, އަންނަ ރިޔާސީ އިންތިޚާބުގައި ޕްރައިމަރީއެއް ނޯންނާނެ ކަމަށެވެ. އެހާލަތުގައި ރިޔާސީ ކެންޑިޑޭޓަކީ ރައީސުލްޖުމްހޫރިއްޔާ ކަމަށެވެ. އެގޮތަށް ފުރުޞަތު ލިބެނީ ދެ ދައުރެވެ. އެއީ ރައީސުލްޖުމްހޫރިއްޔާ ކަން ކުރެވެނީ ވިދިވިދިގެން ދެ ދައުރު ކަމަށް ވާތީއެވެ.

އަބްދުއްރަހީމް ވިދާޅުވީ ޕާޓީ ނިޒާމްގެ ތެރެއިން ވިދިވިދިގެން ދެވަނަ ދައުރެއް ލިބިވަޑައިގަންނަވާ ފުރަތަމަ ރައީސްއަކަށް ރައީސް ޑރ.މުހައްމަދު މުއިއްޒު ވެވަޑައިގަންނަވާނެ ކަމަށެވެ. އެކަމަކު ރިޔާސީ ދެވަނަ ދައުރަކަށް ކުރިމަތިލެއްވުމާމެދު ރައީސް މުއިއްޒު ވަކިއެއްޗެއް އަދި ވިދާޅުނުވާކަން އަބްދުއްރަހީމް ފާހަގަކުރެއްވިއެވެ. އޭނާގެ އެފަދަ ޝައުގެއް ނެތްކަމުގެ ޔަގީންކަން ދެއްވިއެވެ.

މިހާތަނަށް 2028 ވަނަ އަހަރުގެ ޓިކެޓަށް ވާދަކުރައްވާނެކަން އިއުލާނުކުރައްވާފައި ވަނީ ކުރީގެ ރައީސް އަބްދުالله ޔާމީން އަބްދުލްޤައްޔޫމާއި, އެމްޑީޕީގެ ޗެއަރޕަސަން ފައްޔާޒު އިސްމާއީލް އެވެ.