އިޒްރޭލް ޕާސްޕޯރޓް މައްސަލަ އަވަސްކުރުމަށް ގޮވާލާ ހުށަހެޅި ގަރާރު ބަލައިގަންނަން ޓޮމް ވޯޓް ދީފި
އިޒްރޭލް ޕާސްޕޯރޓް މައްސަލަ އަވަސްކުރުމަށް ގޮވާލާ ހުށަހެޅި ގަރާރު ބަލައިގަންނަން މަހިބަދޫ ދާއިރާގެ ޕީއެންސީ މެމްބަރު އަހުމަދު ތާރިގު (ޓޮމް) ވޯޓް ދީފި އެވެ.
ގަލޮޅު އުތުރު ދާއިރާގެ މެމްބަރު މުޙައްމަދު އިބްރާހީމް މަޖިލިހަށް ގަރާރު ހުށަހެޅުއްވީ އިޒްރޭލް ޕާސްޕޯރޓް މަނާކުރަން އަވަސް ކުރުމަށެވެ. އެގަރާރަށް ބަހުސް ކުރި ނަމަވެސް, ގަރާރު މަޖިލިހަށް ބަލައިގަންނަން ފާހެއް ނުވިއެވެ. އެކަމަކު ބަލައިގަންނަން ފެންނަ ކަމަށް ޕީއެންސީގެ ނައިބުރައީސް އަހުމަދު ތާރިގު ވޯޓް ދެއްވިއެވެ. މީގެއިތުން އަމިއްލަ ގޮތުން އިންތިޚާބުވި މެމްބަރު އައްޑޫ މީދޫ ދާއިރާގެ އަބްދުއްރަހުމާންވެސް އެގަރާރު ބަލައިގަންނަން ވޯޓް ދެއްވިއެވެ. ގަރާރު ބަލައިގަންނަން ދެން ވޯޓްދެއްވީ އެމްޑީޕީ މެމްބަރުންނެވެ. ގަރާރު ބަލައިނުގަންނަން ފާސްވީ 63 މެމްބަރުންގެ ވޯޓުންނެވެ. ވޯޓްގައި ބައިވެރިނުވެ ބައެއް ޕީއެންސީ މެމްބަރުން ތިއްބެވިއެވެ.
ޓޮޕް ޕީއެންސީގެ ވިސްނުމާ ދެކޮޅަށް ވޯޓް ދެއްވާފައި މިވަނީ ސަރުކާރުގެ ޑޮލަރު މާރުކުރުމުގެ ސިޔާސަތާ ގުޅިގެން އެޕާޓީގެ މެމްބަރުން އަމަލުކުރައްވަމުން ގެންދަވާ ގޮތާމެދު ނުރުހުންވެ ވާހަކަ ދެއްކެވުމަށްފަހުއެވެ. އަދި ޕިއެންސީގެ ހަރަކާތްތަކުންވެސް މިފަހުން އޭނާ ނުފެނެއެވެ.
އިޒްރޭލް ޕާސްޕޯރޓް މަނާކުރަން, އިމިގްރޭޝަންގެ ޤާނޫނަށް ހުށަހެޅި އިސްލާހުގެ ބިލް 241 ކޮމިޓީގައި އޮންނަތާ ހަތަރު މަސް ވެއްޖެއެވެ.
ރިއެކްޝަންސް
