މީހަކު ރަހީނުކުރި 12 މީހުންގެ ވަނަވަރު ފުލުހުން ޢާއްމުކޮށްފި
ހިޔާ ފްލެޓްގެ އެޕާރޓްމަންޓެއްގައި މީހަކު ރަހީނުކޮށް, އިނގިލި ބުރިކޮށްލަން އުޅުނު މައްސަލާގައި ހައްޔަރުކުރި 12 މީހުންގެ ވަނަވަރު ފުލުހުން ޢާއްމުކޮށްފިއެވެ.
އެމައްސަލާގައި ހައްޔަރުކުރި 12 މީހުންގެ ތެރެއިން ތިން މީހަކު 5 ދުވަހަށް ބަންދުކުރަން ކޯޓުން ވަނީ އަމުރުކޮށްފައެވެ. އެތިން މީހުންނަކީ ގދ.ވާދޫ އަލްމާން އަލީ ޚާލިދު އާއި, މ.ހަތިކަނޑު މުޙައްމަދު އިޒުޚާން އާއި, ކ.ގުރައިދޫ ޒުނައިޓްވިލާ އިޒުޚާން އަހުމަދު އެވެ.
މައްސަލައިގައި ހައްޔަރުކުރި އަނެއް 9 މީހުން 7 ދުވަހަށް ބަންދުކުރަން ކޯޓުން ވަނީ އަމުރުކޮށްފައެވެ. އެމީހުންނަކީ ށ.ފޯކައިދޫ ދަންމަރު އަހުމަދު ޒާހިދު އާއި ލ.މާވަށް ޖަމީލާ މަންޒިލް އާދަމް ހުސައިން އާއި ލ.އިސްދޫ ހިޔަލީގުލްޝަން އިބްރާހީމް ނަޝީދު އާއި, ބ.ގޮއިދޫ ނައިޓްސްޓަރ އަހުމަދު ސަމީހު އާއި ވ.ގާމާ އިސްމާއީލް ވިޝާމް މުޙައްމަދާއި, ގދ.ވާދޫ ޗިޗަންޑާގެ ވިޝާމް މުހައްމަދާއި, ހުޅުމާލެ ހިޔާ 03-17-14 ވިސާން މުޙައްމަދާއި, ގދ.ވާދޫ ޖަނަވަރީގެ މުސްތާގު ޝާކިރު އާއި, ,.ކޮޅުފުށި އާރެސް ހަސަން ގާލިބެވެ.
އެމީހުން ފުލުހުން ހައްޔަރުކުރީ މީހަކު ރަހީނުކޮށް, އެމީހާގެ ބޯބޭލުމަށްފަހު އިނގިލިތައް ބުރިކޮށްލަން އުޅެނިކޮށް ކަމަށް ވަނީ ބުނެފައެވެ. އެމީހުން ހައްޔަރުކުރީ ހުޅުމާލެ ދެވަނަ ފިޔަވަހީގެ އެޗް 9 ގެ 20 ވަނަ ފަންގިފިލާގެ 12 ވަނަ އެޕާރޓްމަންޓުންނެވެ.
ރިއެކްޝަންސް
