އެމެރިކާގެ ރިޔާސީ އިންތިޚާބު 2024 ފެށެން މަދު ގަޑިއިރެއް!
އެމެރިކާގެ ރިޔާސީ އިންތިޚާބުގެ ވޯޓްލާން ފަށަން މިވަނީ ފަސްވަރަކަށް ގަޑިއިރަށް ވެފައެވެ. އިންތިޚާބުގައި އެންމެބޮޑަށް ވާދަކުރައްވާ ދެކެނޑިޑޭޓުން ކަމަށްވާ މިހާރުގެ ނައިބުރައީސް, ކަމަލާ ހަރިސް އަދި ކުރީގެ ރައީސް ޑޮލަޑް ޓްރަމްޕް ވެސް ގެންދެވީ ކެމްޕެއިންގެ ފަހު ތިން ދުވަހު ވާދަވެރި ސިޓީތަކުގައި ކެމްޕެއިންގެ ހަރަކާތައް މެކުހަށް ޖައްސަވަމުންނެވެ. ޖެހިޖެހިގެން ހަތަރު ދުވަސްވަންދެން ދެ ކެނޑިޑޭޓުން އެއް ދުވަހު, އެއް ވަގުތެއްގައި ބައެއް ސްޓޭޓްތަކަށް ވަނީ ޒިޔާރަތްކޮށްފައެވެ. ހޮނިހިރު ދުވަހު ދެ ކެނޑިޑޭޓުންވެސް އުޅުއްވީ އެމެރިކާގެ އިންތިހާބުގެ ނަތީޖާ ކަނޑައެޅުމުގައި އެންމެ ބޮޑަށް ބުރަވާ ނޯތު ކެރޮލީނާގައެވެ. އެމެރިކާގެ އިންތިޚާބުތަކުގައި ނަތީޖާ ކަނޑައަޅާ މުހިއްމު ސިޓީތަކުގެ ތެރޭގައި ހިމެނޭ މިޝިގަން, ނޯތު ކެރޮލީނާ އަދި ޖޯޖިއާއަށް ދެ ކެނޑިޑޭޓޫންވެސް ވަރަށް ގިނައިން ވަޑައިގަންނަވާފައިވެއެވެ.
ޕޯލްތައް ދައްކަނީ ކިހިނެއް! އެންމެ ފަހުން ހިނގީ ކޮން ކަންކަމެއް!
ޔުނިވަރސިޓީ އޮފް ފްލޮރިޑާގެ އިލެކްޝަން ލެބްއިން ހާމަކޮށްފައިވާގޮތުގައި ހޮނިހިރު ދުވަހާ ހަމައަށް އެމެރިކާގެ 78 މިލިއަނަށްވުރެ ގިނަ މީހުން ވަނީ (އީ- ވޯޓިންއިން) ވޯޓްލާފައެވެ. ޕޯލްތަކުން ދައްކާގޮތުން ކުރީގައި އުޅުއްވަނީ ކަމަލާ ހަރިސްއެވެ. ވޯޓް ލީ މީހުންގެ އިންސައްތަ އަށް ބަލާއިރު ޑިމޮކްރެޓިކް ކެނޑިޑޭޓް 8 އިންސައްތައިގެ ލީޑެއްގައި އުޅުއްވާކަމަށް ދި ގާޑިއަންގައި ރިޕޯޓްކޮށްފައިވެއެވެ. ނިއުޔޯކްޓައިމްސްގެ ސިއެނާ ކޮލެޖެގް ޕޯލްއިން ދައްކާގޮތުން ނަތީޖާ ކަނޑައެޅުމުގައި އެންމެ ބޮޑަށް ބުރަވާ 3 ސްޓޭޓަކުންވެސް ކުރި ހޯދަމުންދަނީ ހަރިސްއެވެ. ސްވިންގ ސިޓީތަކުގެ ތެރެއިން ޓްރަމްޕް މިވަގުތު ކުރީގައި އުޅުއްވަނީ އެންމެ ސިޓީއެއްގައެވެ.
ހަރިސްގެ ކެމްޕެއިން ޓީމްތަކުން ހަފުތާ ބަންދުގައި އެކަނިވެސް 3 މިލިއަން ދޮރުގައި ޓަކި ދީފައިވާނެކަމަށް ކެމްޕެއިން ޓީމުން ބުނެފައި ވެއެވެ. ހަރިސްގެ ކެމްޕެއިންގައި 90,000 ވޮލަންޓިއަރުން ހަރަކާތްތެރިވެއެވެ. މިޝިގަންގެ އަރަބި-އެމެރިކަން ކޮމިއުނިޓީއަށް ކަމަލާ އަނެއްކާވެސް ޒިޔާރަތްކޮށް ޣައްޒާއާއި ލުބުނާނުގައި ހިނގަމުންދާ ހިތާމަވެރި ހާލަތުގެ ވާހަކަ ދައްކާ އަރަބި އެމެރިކާ ރައްޔިތުންގެ ތާއީދު ހޯދުމަށް މަސައްކަތްކޮށްފައި ވެއެވެ. އެކަމަކު އެފަރާތްތަކުން ވަނީ ހަމައެކަނި ވާހަކަތަކުން ނުފުދޭނެކަމަށް ބުނެ ކަމަލާއަށް ރައްދު ދީފައެވެ.
ޕެންސިލްވޭނިއާގައި ޓްރަމްޕް ކުރިއަށް ގެންދިޔަ ހަރަކާތުގައި ނޫސްވެރިންނާ އަމާޒުކޮށް ދެއްވި ބަހުގެ ހަމަލާތަކާއެކު ޓްރަމްޕްއަށް ވަނި ބޮޑެތި ފާޑުކިއުންތަކާ ކުރިމަތިލާންޖެހިފައެވެ. ޓްރަމްޕްގެ ކެމްޕެއިން ޓީމުން ދަނީ 2020 ވަނަ އަހަރުގެ ހާދިސާއަކާ ގުޅުވާ ޑޮމިނިއަން ވޯޓިން ސިސްޓަމާ ގުޅޭގޮތުން ސާބިތުނުހިފޭ ވާހަކަތަކެއްވެސް ފަތުރަމުންނެވެ.
ރިއެކްޝަންސް
