ޓެން ހާގު ނެތި ކުޅުނު ފުރަތަމަ މެޗުން ޔުނައިޓަޑަށް ބޮޑު މޮޅެއް
ކޯޗު އެރިކް ތެން ހާގު ވަކިކޮށް ކުޅުނު ފުރަތަމަ މެޗުގައި މެންޗެސްޓަރ ޔުނައިޓެޑުން ބޮޑު މޮޅެއް ހޯދައިފި އެވެ. ކޯޗު ވަކިކޮށް ޔުނައިޓެޑް ކުޅުނު ފުރަތަ މެޗަކީ ރޭ ކަރަބޯ ކަޕް ގަދަ 16 ގައި 5-2 ން ލެސްޓަރ ސިޓީ ބަލިކުރި މެޗެވެ.
މެޗުގައި ކަސެމީރޯ އަދި ބުރޫނޯ ފެންނާންޑޭޒް ވެސް ވަނީ ދެ ގޯލް ކާމިޔާބު ކޮށްފައެވެ. ޔުނައިޓަޑް ފުރަތަމަ ގޯލް 15 ވަނަ މިނިޓްގައި ކާމިޔާބުކޮށްދިނީ ކަސެމީރޯއެވެ. ވިއްސަކަށް ޔާޑު ދުރުން ފޮނުވާލި ބޯޅަ ގޯލުގެ މަތީ ކަނަށް އަމާޒުވިތާ ކުޑަ ވަގުތުކޮޅެއް ފަހުން 28 ވަނަ މިނިޓްގައި އަލްހަންޑްރޯ ގަނާޗޯ ވަނީ ޔުނައިޓަޑްގެ ދެވަނަ ގޯލް ކާމިޔާބުކޮށްދީފައެވެ. ދެވަނަ ގޯލް ކާމިޔާބުކުރީ ޑިއޯގޯ ޑަލޮޓް ނަގައިދިން ހުރަހަކުންނެވެ. ފުރަތަމަ ހާފު ނިމުމުގެ ކުރިން 36 ވަނަ މިނިޓްގައި ބްރޫނޯ ފެނާންޑޭޒް ގޯލެއް ޖަހާ ޔުނައިޓަޑަށް ލީޑު ފުޅާކޮށްދިނެވެ. އަދި އޭގެ ތިން މިނިޓްފަހުން ކަސެމީރޯ އަނެއްކާވެސް ވަނީ ގޯލެއް ކާމިޔާބުކޮށްފައެވެ. ޔުނަޓަޑްގެ ފަހު ގޯލް 59 ވަނަ މިނިޓްގައި ކާމިޔާކޮށްދިނީ ވެސް ބުރޫނޯ ފެނާންޑޭޒް އެވެ.
މެޗުގައި ލެސްޓަރ ސިޓީގެ ދެ ގޯލް ކާމިޔާބުކޮށްދީފައި ވަނީ 33 ވަނަ މިނިޓްގައި ބިލާލް އެލް ހަނޯސް އާއި ފުރަތަމަ ހާފުގެ އިތުރުވަގުތުގައި ކޮނޯ ކޯޑީ އެވެ. މުބާރާތުގެ ކްއާޓާ ފައިނަލްގައި މެންޗެސްޓަރ ޔުނައިޓެޑް ވާދަކުރަން ޖެހޭނީ ޓޮޓްނަމް އާއެވެ. ޓޮޓްނަމް ކްއާޓާ ފައިނަލަށް ދަތުރުކުރީ 2-1 ން މެންޗެސްޓަރ ސިޓީ ބަލިކޮށްގެންނެވެ.
މެޗަށްފަހު ސްކައި ސްޕޯޓްސް އަށް ދިން އިންޓަވިއުއެއްގައި ޔުނައިޓަޑްގެ ވަގުތީ ކޯޗު ވެން ނިސްޓެލްރޫ ވަނީ މޮޅުވުމުގައި ނަސީބު ވަރަށް ބޮޑަށް އެހީވިކަމަށް ބުނެފައެވެ. ކަސެމީރޯ, ބުރޫނޯ އަދި ގަނާޗޯއަށްޓަކާ ވަރަށް އުފާކުރާ ކަމަށްވެސް އޭނާ ބުނެފައި ވެއެވެ.
ރިއެކްޝަންސް
