މެންޗެސްޓަރ ޔުނައިޓަޑްގެ ކޯޗުގެ މަގާމުން ޓެން ހާގް ވަކިކޮށްފި
މެންޗެސްޓަރ ޔުނަޓެޑްގެ ކޯޗުކަމުން އެރިކް ޓެން ހާގް ވަކިކޮށްފިއެވެ. ޔުނައިޓަޑުން ހޯމަ ދުވަހު ނެރުނު ބަޔާނެއްގައި ޓެން ހާގް މަގާމުން ވަކިކޮށްފައިވާކަން ވަނީ އިއުލާނުކޮށްފައެވެ. ހޯމަ ދުވަހު ޕްރިމިއަރ ލީގުގައި ކުޅުނު މެޗުގައި ވެސްޓް ހެމް ޔުނައިޓެޑް އަތުންވެސް މެންޗެސްޓަރ ޔުނައިޓަޑް ވަނީ 2-1 ން ބަލިވެފައެވެ.
ޓެން ހާގް ޔުނައިޓަޑްގެ ކޯޗުގެ މަގާމަށް އައްޔަނުކުރީ އެޕްރީލް 2022 ގައެވެ. އަދި ވަކިކުރުމާ ހަމައަށް އޭނާގެ އިރުޝާދުގެ ދަށުން ޔުނައިޓަޑް އިން ވަނީ 2023 ކަރަބޯ ކަޕާއި 2024 ވަނަ އަހަރުގެ އެފްއޭ ކަޕް އުފުލާލާފައެވެ. މިއަހަރުގެ ހޫނު މޫސުމުގައި ޔުނައިޓަޑްއިން ވަނީ ޓެން ހާގްގެ އެއްބަސްވުންވެސް އާކޮށްފައެވެ. ނަމަވެސް މި ސީޒަނުގައި ޔުނައިޓެޑް ކުޅުނު 13 މެޗުގެ ތެރެއިން މޮޅުވެފައިވަނީ އެންމެ ހަތަރު މެޗުންނެވެ. ޕްރިމިއަރ ލީގުގެ ނުވަ މެޗުން 11 ޕޮއިންޓާއެކު ތާވަލްގެ 14 ވަނައިގައި މިވަގުތު އޮތް ޔުނައިޓަޑްއިން އަންނަ ސީޒަންގެ ޗެމްޕިއަންސް ލީގަށް ކޮލިފައިވާނެކަމާމެދުވެސް ވަނީ ސުވާލު އުފެދިފައެވެ. ޓެން ހާގް ވަކިކޮށްފައި މިވަނީ މި ފަހުން ޔުނައިޓަޑުން ހޯދަމުންދާ ދަށް ނަތީޖާތަކާއެކު ޓެން ހާގްގެ އިތުބާރު ޔުނައިޓެޑްގެ ވެރިންގެ މެދުގައި ދަށްވެފައިވާކަމަށް މީޑިއާތަކުގައި ވާހަކަދެކެވޭތާ ދުވަސްތަކެއް ފަހުންނެވެ.
ދާއިމީ ކޯޗެއް ހަމަޖެހެންދެން ކޯޗުގެ މަޤާމު ފުރާނީ ރޫޑް ވޭން ނިސްޓެލްރޫ އެވެ. ވޭން އަކީ 2002 ން 2006 ށް ޔުނައިޓެޑްގެ ކުޅުންތެރިއެވެ. ކްލަބުން ނެރުނު ބަޔާނުގައު ޓެން ހާގް އެކްލަބަށް ކޮށްދިން ޚިދުމަތްތަކަށް ވަނީ ޝުކުރު އަދާކޮށްފައެވެ. ޔުނައިޓެޑުން އާ ކޯޗެއް ހޯދުމުގެ މަސައްކަތް މިހާރު ފަށާފައިވާއިރު ކުރިން އެމަގާމަށް އަންނާނެ ކަމަށް އެންމެ ބޮޑަށް ބެލެވުނު ތޯމަސް ޓުޗެލް މިހާރުވަނީ އިނގިރޭސި ޤައުމީ ޓީމުގެ ކޯޗުކަމާ ހަވާލުވެފައެވެ.
ރިއެކްޝަންސް
