ރ.އަލިފުށިން ފީނަން ދިޔަ ޒުވާނަކު މަރުވެއްޖެ
ރ.އަލިފުށިން މިއަދު ހެނދުނު ފީނަން ދިޔަ ޒުވާނަކު މަރުވެއްޖެ އެވެ. ފީނަށްގޮސް އުޅެނިކޮށް, މަރުވީ ރ.އަލިފުށި ކަޝްމީރު ނަބީހު ޙަސަން އެވެ.
24 އަހަރުގެ ޒުވާނާ ފެނުނީ ވަރަށް އަޑިންކަމަށް އަލިފުށިން މައުލޫމާތުދިން މީހަކު ބުންޏެވެ. އަޑީގައި އޮތުމުން ނުނެގި ގިނައިރުވީ ކަމަށާއި, ނަބީހު ނެގީ ކައިރި ކޮމަންޑޫގައި ޑައިވްކުރާ ބަޔަކު ގޮސްގެންކަމަށް މައުލޫމާތު ލިބެއެވެ.
ފުލުހުން ބުނީ އަލިފުށި ކަނޑުތޮށި ކައިރިއަށް މަސްހިފަން މޫދަށްފޭބި ތިން މީހުންގެ ތެރެއިން އެކަކު މައްޗަށް ނާރާ އަޑީގައި އޮތްކަމުގެ މައުލޫމާތު 12:08 ހާއިރު ފުލުހުންނަށް ލިބުނު ކަމަށެވެ. އަދި އެޒުވާނާ ނިޔާވެފައިވާކަމަށް އަލިފުށި ސިއްހީމަރުކަޒާ ހަވާލާދީ ފުލުހުން ބުންޏެވެ
ނަބީހު ފީނަން ދިޔައީ އަބަދުވެސް ފީނަންދާ އެހެން އެކުވެރިންނާއެކު ކަމަށް އަލިފުށިން މައުލޫމާތުދިން މީހާ ބުންޏެވެ. މައުލޫމާތު ލިބިފައިވާ ގޮތުގައި ނަބީހު ފީނަން ދިޔައީ ހެނދުނު 10:00 ހާއިރު އެވެ. އޭނާ ފެނުނީ މެނދުރު އަލިފުށީގެ ދެކުނު ފަރާތު ކަނޑުއަޑިންނެވެ.
ނަބީހުގެ ހަށިގަނޑު މިވަގުތު އޮތީ އަލިފުށި ޞިއްހީމަރުކަޒުގައެވެ.
ރިއެކްޝަންސް
