އައިޕީޔޫ އެސެމްބްލީގައި ބައިވެރިވެވަޑައިގަތުމަށް މަޖިލިހުގެ ރައީސް ޖެނީވާއަށް ވަޑައިގެންފި
އައިޕީޔޫ އެސެމްބްލީގައި ބައިވެރިވެވަޑައިގަތުމަށް މަޖިލިހުގެ ރައީސް ޖެނީވާއަށް ވަޑައިގެންފިއެވެ. އެމަނިކުފާނު ފުރާވަޑައިގެންނެވީ ރޭގެ ވަގުތެއްގައެވެ. މިއީ ސްވިޒަރލެންޑުގެ ޖެނީވާގައި ކުރިއަށްދާ އިންޓަރ-ޕާލިމެންޓަރީ ޔުނިއަންގެ 149 ވަނަ އެސެމްބްލީގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.
މަޖިލިހުގެ ރައީސްގެ އަރިހުގައި މިދަތުރުފުޅުގައި ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އަސްމާ ރަޝީދު، ހުޅުދޫ ދާއިރާގެ މެންބަރު މުޙައްމަދު ޝާހިދު، ވިލިމާލެ ދާއިރާގެ މެންބަރު މުޙައްމަދު އިސްމާޢީލް، ފުވައްމުލަކު މެދު ދާއިރާގެ މެންބަރު ޢަލީ ފަޒާދު އަދި ކަނޑިތީމު ދާއިރާގެ މެންބަރު އަމީން ފައިސަލް ބައިވެރިވެވަޑައިގަންނަވައެވެ.
އައިޕީޔޫގެ އެސެމްބްލީގެ މިފަހަރުގެ މައުލޫއަކީ ސުލުހަވެރި, ދެމެހެއްޓެނިވި މުސްތަޤްބަލަކަށް ސައިންސާއި, ޓެކްނޮލޮޖީ އާއި އިނޮވޭޝަންސްގެ ބޭނުން ހިފުމެވެ. މިއެސެމްބްލީ އޮންނާނީ މިއަދުން ފެށިގެން މިމަހުގެ 17 ގެ ނިޔަލަށެވެ.
މިއީ ރައްޔިތުންގެ މަޖިލިހުގެ ރައީސްގެ ހައިސިއްޔަތުން އެމަނިކުފާނު ރާއްޖެއިން ބޭރަށް ކުރައްވާ ދެވަނަ ދަތުރުފުޅެވެ. ފުރަތަމަ ވަޑައިގެންނެވީ އޮގަސްޓްމަހު ޗައިނާގައި އައިޕީޔޫން ބޭއްވި ސެމިނާއަކަށެވެ.
ރިއެކްޝަންސް
