އަތުހަރު އަމިއްލަ އަށް މަރުވާން އުޅުނީ ދަންޖެހިގެން ކަން ފުލުހުން ކަށަވަރުކޮށްދީފި
މާލެ ގެނެސް ހޮސްޕިޓަލަށް ގެންދިއުމާމެދު ހޭދަވީ 20 މިނިޓް
އަތުހަރު އަމިއްލަ އަށް މަރުވާން އުޅުނީ ދަންޖެހިގެން ކަން ފުލުހުން ކަށަވަރުކޮށްދީފި އެވެ.
އަންހެނަކު ރަހީނުކޮށް ވަޅިން ބިރު ދައްކަމުން ދަނިކޮށް, ބޭރުގެ ބޭނުންކޮށްގެން ފުލުހުން ހައްޔަރުކުރި އާދަމް އަހުތަރު ދަންޖެހުނީ ފުލުހުންގެ ބަންދުގައި ގޮޅީގައި ހުއްޓައެވެ. އޭނާއަށް މިހާރު ފަރުވާދެމުން ދަނީ ހޮސްޕިޓަލްގައި, ވެންޓިލޭޓަރުގައެވެ. ފުލުހުން މިއަދު ޢާއްމު ކުރި ޓައިމް ލައިނުން އިނގޭ ގޮތުގައި އަތުހަރު ދަންޖެހިފައި ހުއްޓާ ފެނުނީ ޖަލު މޮނިޓަރ ކުރަމުން ދަނިކޮށް ރޭ އިރުއޮއްސި 7:02 ގައި ކެމެރާ އިންނެވެ. ހަމަ އެމިނިޓްގެ ތެރޭގައި ޖަލު ގޮޅި ހުޅުވާ, އަތުހަރު ތިރީގައި ބޭއްވި ކަމަށް ފުލުހުންގެ ޓައިމްލައިނުގައި ވެއެވެ.
ފުލުހުން ޢާއްމުކުރި ޓައިމްލައިންގައި ވާގޮތުން ޖަލު ގޮޅިން ނެރި, ދޫނިދޫ ކްލިނިކަށް ގެންދިއުމާއި, މާލެ ގެންގޮސް ހޮސްޕިޓަލަށް ގެންދިއުމާ މެދު ހޭދަވެފައިވަނީ 20 މިނިޓެވެ.
އެކަމަކު ދަންޖެހުނު ވަގުތެއް, ފުލުހުންގެ ޓައިމްލައިނުގައި ނެތެވެ. އަދި ދަން ޖެހުނީ ގޮޅީގައި ހުރި ކޮން ވަސީލަތެއް ބޭނުންކޮށްގެން ކަމެއްވެސް ފުލުހުން ނުބުނެއެވެ. އެމައްސަލަ އެޗްއާރުސީއެމްއާއި ނޭޝަނަލް އިންޓެގްރިޓީ ކޮމިޝަނުންވެސް ދަނީ ތަހުގީގު ކުރަމުންނެވެ.
ރިއެކްޝަންސް
