މާލޭގައި ދުންފަތުގެ އިސްތިއުމާލުކުރުން ކޮންޓްރޯލްކުރަން ޚާއްސަ ކިއޮސްކް ބެހެއްޓުމަށް މަޝްވަރާކޮށްފި
މާލޭގައި ދުންފަތުގެ އިސްތިއުމާލުކުރުން ކޮންޓްރޯލްކުރުމަށްޓަކައި، ދުންފަތުގެ އިސްތިއުމާލުކުރާ ފަރާތްތަކަށް ޚާއްސަ ކިއޮސްކްތަކެއް މާލެ ސަރަހައްދުގައި ބެހެއްޓުމާ ގުޅޭ ގޮތުން މާލެ ސިޓީ ކައުންސިލާއި ހެލްތު ޕްރޮޓެކްޝަން އޭޖެންސީ (އެޗްޕީއޭ) މިއަދު މަޝްވަރާކޮށްފިއެވެ.
މާލެ ސިޓީ ކައުންސިލުން 'އެކްސް'ގައި ކުރި ޕޯސްޓެއްގައިވަނީ މާލެ ސަރަހައްދުގައި ދުންފަތުގެ އިސްތިއުމާލުކުރުމަށް ޚާއްސަ ކިއޮސްކްތަކެއް ބެހެއްޓުމާ ގުޅޭގޮތުން ޑެޕިއުޓީ މޭޔަރު މީކާއީލް މުޙައްމަދު ރިޔާޒާއި އެޗްޕީއޭގެ ބައެއް ބޭފުޅުން ބައްދަލުކުރައްވައިފައިވާ ކަމަށެވެ. މި ބައްދަލުވުމުގައި ބައެއް ކައުންސިލަރުން ވެސް ބައިވެރިވެވަޑައިގަތެވެ.
ކައުންސިލުން 'އެކްސް'ގައި ލިއުނު ޕޯސްޓުގައިވަނީ، ދުންފަތުގެ އިސްތިއުމާލުކުރާ މީހުންނަށް ވަކި ތަންތަނުގައި ކިއޮސްކްތައް ބެހެއްޓުމުގެ ބޭނުމަކީ އާންމު ތަންތަނުގައި ދުންފަތުގެ އިސްތިއުމާލުކުރާ މިންވަރު މަދުކޮށް، ސާފު އަދި ސިއްހީގޮތުން އެކަށީގެންވާ ތަނަކަށް މާލެ ހެދުން ކަމަށެވެ. މިފަދަ ކިއޮސްކްތައް ބެހެއްޓުމުގެ މަސައްކަތަކީ މާލެ ސިޓީ ކައުންސިލްގެ ވައުދެއް ކަމަށް ވެސް ކައުންސިލުން ވަނީ ފާހަގަކޮށްފައެވެ.
ރިއެކްޝަންސް
