ދޮރުން ދޮރަށް ހަރަކާތުގައި ރައީސް ހެންވޭރު އުތުރަށް ޒިޔާރަތްކޮށްފި

ޕީޕަލްސް ނޭޝަނަލް ކޮންގްރެސް (ޕީއެންސީ) އިން ކުރިއަށްގެންދާ "ދޮރުން ދޮރަށް" ހަރަކާތުގެ ދަށުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހެންވޭރު އުތުރު ދާއިރާގެ ގޭގެއަށް ޒިޔާރަތްކުރައްވައިފިއެވެ.

މި ހަރަކާތުގެ ތެރެއިން ރައީސް ވަނީ ހެންވޭރު އުތުރުގެ ގިނަ ގެތަކަކަށް ވަޑައިގެން، އެ ތަންތަނުގައި ދިރިއުޅޭ ރައްޔިތުންނާ ބައްދަލުކުރައްވާފައެވެ. މި ބައްދަލުކުރެއްވުންތަކުގައި ރައްޔިތުންގެ ހުރި ކަންބޮޑުވުންތަކާއި ދަތިތައް ރައީސް އޮޅުންފިލުއްވިއެވެ. މީގެ އިތުރުން، މާލޭގެ ރައްޔިތުންގެ ދިރިއުޅުމުގެ ފެންވަރު ރަނގަޅުކުރުމަށާއި، ރައްޔިތުންނަށް ލުއިފަސޭހަކޮށްދިނުމަށް ސަރުކާރުން ގެންގުޅުއްވާ މުހިންމު ސިޔާސަތުތަކާއި ގެންނަވަން ބޭނުންފުޅުވާ ބަދަލުތަކުގެ މަޢުލޫމާތު އެމަނިކުފާނު ރައްޔިތުންނާ ހިއްސާކުރެއްވިއެވެ.

މި ހަރަކާތުގައި ރައީސުލްޖުމްހޫރިއްޔާގެ އަރިހުގައި ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ މެންބަރާއި، ކޮންގްރެސް ޕާޓީގެ ފަރާތުން މާލެ ސިޓީގެ މޭޔަރު ކަމަށް ވާދަކުރައްވާ ކެންޑިޑޭޓް މޫސާ ޢަލީ ޖަލީލް ބައިވެރިވެވަޑައިގެންނެވިއެވެ. މީގެ އިތުރުން، މާލެ ސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާ ކަމަށް ވާދަކުރައްވާ އާޝިޔަތު އަލައިކާ އަދުދާން ވެސް މި ހަރަކާތުގައި ބައިވެރިވެވަޑައިގެންނެވިއެވެ.

މާލެ ސިޓީގެ 17 ދާއިރާގައި ދޮރުން ދޮރަށް ހިންގެވުމުގެ ހަރަކާތް ރައީސް ކުރިއަށް ގެންދަވާއިރު، މިއީ މިގޮތަށް ކުރިއަށްގެންދަވާ ދެވަނަ ބުރެވެ. ސަރުކާރުގެ އަމާޒަކީ ކުރިއަށް އޮތް ކައުންސިލް އިންތިޚާބުގެ ކުރިން މާލޭގެ ހުރިހާ ދާއިރާއެއްގައި ދެ ބުރަށް މި ހަރަކާތް ފުރިހަމަކުރުމެވެ.