އަހަރެއްގެ ތެރޭގައި މަގޫދޫ އެއަޕޯރޓް ނިންމައިދޭނެ ކަމުގެ ޔަގީންކަން
އަހަރެއްގެ ތެރޭގައި ފ.މަގޫދޫ އެއަޕޯރޓް ނިންމައިދޭނެ ކަމުގެ ޔަގީންކަން ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ދެއްވައިފިއެވެ. އެމަނިކުފާނު މިޔަގީންކަން ދެއްވީ ފ.އަތޮޅިގެ ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު މަގޫދޫއަށް ވަޑައިގެން އެރަށު ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައެވެ.
މަގޫދޫ ރައްޔިތުން ރައީސް އަރިހުން އެދިވަޑައިގެންނެވީ އެރަށުގައި އަޅާ އެއާޕޯޓުގެ މަސައްކަތް ނުހުއްޓި ކުރިއަށްގެންދިއުމަށެވެ. އަދި އެއާޕޯޓް ހުޅުވާނެ ތާރީޚެއް ދެއްވުމަށް ރައްޔިތުން އެދިވަޑައިގަތެވެ. ރައްޔިތުންގެ މި ހުށައެޅުމަށް ޖަވާބުދެއްވަމުން ރައީސުލްޖުމްހޫރިއްޔާ ވިދާޅުވީ، މުޅި އެއާޕޯޓްގެ މަޝްރޫޢު އެގްރިމަންޓާއި އެއްގޮތަށް ގިނަވަގެން ބާރަ މަސްދުވަހުގެ ތެރޭގައި ނިންމާނެކަމަށެވެ. އެހެންކަމުން އަންނަ އަހަރުގެ ސެޕްޓެމްބަރު މަހަށް އެ އެއަޕޯރޓް ނިންމަން ޖެހޭނެއެވެ.
މަގޫދޫ އެއަޕޯރޓަކީ މިސަރުކާރު ހަވާލުވިއިރު މަސައްކަތް ފަށާ ހިނގަމުންދިޔަ މަޝްރޫއެކެވެ. ނަމަވެސް މިސަރުކާރުގެ ސިޔާސަތަކީ ޖެހިގެން އޮތް ނިލަންދޫގައި އެއަޕޯރޓް އެޅުމެވެ. ނިލަންދޫ އެއަޕޯރޓް ދެ އަހަރާ ބައިގެ ތެރޭގައި ނިންމާގޮތަށް މޯލްޑިވްސް އެއަޕޯރޓްސް ކޮމްޕެނީއާ ހަވާލުކުރީވެސް މިއަދު އެވެ.
ރިއެކްޝަންސް
