ފްރުޓް ޓްރީ ފިހާރައިގެ ގުދަނުގައި އަލިފާން ރޯވި ހާދިސާއާ ގުޅިގެން 22 މީހަކަށް ވަގުތީ ހިޔާވަހިކަން ދީފި
ފްރުޓް ޓްރީ ފިހާރައިގެ ގުދަނުގައި އަލިފާން ރޯވި ހާދިސާއާ ގުޅިގެން 22 މީހަކަށް ވަގުތީ ހިޔާވަހިކަން ދީފި އެވެ. ރޭފަތިހު އެގުދަނުގައި ރޯވެ ހިނގި އަލިފާނުގެ ހާދިސާއާއި ގުޅިގެން ނޭޝަނަލް ޑިޒާސްޓަރ މެނޭޖްމަންޓުން ވަގުތީ ބޯހިޔާވަހިކަން ދީފައިވަނީ 14 ދިވެހިންނާއި 8 ބިދޭސީންނަށެވެ.
ވަގުތީ ބޯހިޔާވަހިކަމާއި ކެއިންބުނިން ހަމަޖައްސައިދެމުންދާ މީހުންގެ ތެރޭގައި ހިމެނޭ 14 ދިވެހިންނަކީ 5 ގޭބީސީއަކަށް ނިސްބަތްވާ މީހުންނެވެ. ބިދޭސީ އެއް އާއިލާ އަމިއްލަ ވަގުތީ ބޯހިޔާވަހިކަމަށް ބަދަލުވެފައިވާ ކަމަށްވެސް އެންޑީއެމްއޭ އިން ބުންޏެވެ. އަދި 11 ބިދޭސީ އަކަށް އެމީހުން ނިސްބަތްވާ ކުންފުނިތަކުން ވަނީ އެހީތެރިކަން ފޯރުކޮށްދީފައެވެ.
ފްރުޓް ޓްރީ ފިހާރައިގެ ގުދަނުގައި ހިނގި އަލިފާނުގެ ހާދިސާ ހިނގީ ރޭ ފަތިހުއެވެ.
މި ހާދިސާގައި އެއްވެސް މީހަކަށް އަނިޔާއެއް ނުލިބެއެވެ. ނަމަވެސް އަލިފާން ރޯވި ގުދަން ވަނީ ބޭނުން ނުކުރެވޭ ވަރަށް އަނދާފައެވެ. ރޯވި ގުދަން ހުންނަނީ މއ.ސްޕްރިން ރިވާ ކިޔާ ގޭގައެވެ.
ރިއެކްޝަންސް
