މިއަހަރު ރާއްޖެ އައި ފަތުރުވެރިންގެ އަދަދު 1.5 މިލިއަން ހުރަސްކޮށްފި
މިއަހަރު ރާއްޖެ އައި ފަތުރުވެރިންގެ އަދަދު 1.5 މިލިއަން ހުރަސްކޮށްފިއެވެ. ޓޫރިޒަމް މިނިސްޓްރީން ޢާއްމުކުރާ ޑެއިލީ ރިޕޯރޓްގައިވާ ގޮތުން މިމަހުގެ 7 ވަނަ ދުވަހުގެ ނިޔަލަށް ރާއްޖެ އައި ފަތުރުވެރިންގެ އަދަދަކީ 1,520,699 އެވެ.
މިދިޔަ އަހަރު ޑިސެމްބަރުގެ ނިޔަލަށްވެސް ޒިޔާރަތްކުރީ 2,046,615 ފަތުރުވެރިންނެވެ. އެހެންކަމުން މިއަހަރު ޒިޔާރަތްކުރާ ފަތުރުވެރިންގެ އަދަދު ބޮޑުތަނުން އިތުރުވުމުގެ ފުރުޞަތު ބޮޑެވެ. ސެޕްޓެމްބަރު މަހުގެ ފުރަތަމަ ހަފްތާގައި އެކަނިވެސް 33,773 ފަތުރުވެރިން ވަނީ ޒިޔާރަތްކޮށްފައެވެ. މިއީ މިދިޔަ އަހަރުގެ މިމުއްދަތަށް ބަލާއިރު %9.7 ގެ ކުރިއެރުމެކެވެ.
މިމަހުގެ 7 ވަނަ ދުވަހުގެ ނިޔަލަށް ބަލާއިރު ރާއްޖޭގެ ފަތުރުވެރިކަމުގެ މާކެޓްގެ އެއްވަނައިގައި އޮތީ ޗައިނާއެވެ. ދެވަނައިގައި ރަޝިޔާއެވެ. ތިންވަނައިގައި އިނގިރޭސިވިލާތް, ހަތަރު ވަނައިގައި އިޓަލީ އަދި ފަސްވަނައިގައި ޖަރުމަނެވެ. އިންޑިޔާ އޮތީ ހަވަނައިގައެވެ.
މިއަހަރު މިހާތަނަށް ރާއްޖެ އައި ފަތުރުވެރިންގެ %73.4 މީހުން އައީ ރިސޯރޓްތަކަށެވެ. ގެސްޓްހައުސް ތަކަށް އައީ %21.9 ފަތުރުވެރިންނެވެ.
ރިއެކްޝަންސް
