މޫސުން އިތުރަށް ގޯސް, މިހާރު ޔެލޯ އެލާޓް
ޔެލޯ އެލާޓް ނެރުނީ އުތުރަށް
މޫސުން އިތުރަށް ގޯސްވެ މޫސުމާބެހޭ ގައުމީ އިދާރާއިން ރާއްޖޭގެ އުތުރަށް ޔެލޯ އެލާޓް ނެރެފިއެވެ.
ޔެލޯ އެލާޓް ނެރުނީ ހއ އަތޮޅުން ފެށިގެން ކ.އަތޮޅާ ދެމެދަށެވެ. މިއެލާޓް މިއަދު މެންދުރު 1:30 އާ ހަމައަށް ދެމިއޮންނާނެއެވެ. އެވަގުތު ތަކުގައި ގަޑިއަކު 25-30 މޭލަށް ވައިގަދަވެ, ވިލާގަނޑުގައި ގަޑިއަކު 50 މޭލަށް ވައިގަދަވާނެ ކަމަށް މޫސުމާބެހޭ އިދާރާއިން ވަނީ ލަފާކޮށްފައެވެ. އަދި ކަނޑުތައް ވަރަށް ގަދަވާނެ ކަމަށް ލަފާކޮށްފައިވެއެވެ.
އއ.އަތޮޅުން ލ. އަތޮޅަށް ނެރެފައިވަނީ ވައިޓް އެލާޓެވެ. އެހިސާބަށް ގަޑިއަކު 19-24 މޭލަށް ވައިގަދަވެ, ވިލާގަނޑުގައި 45 މޭލަށް ވައިގަދަވާނެ ކަމަށް ލަފާކޮށްފައި ވެއެވެ. ކަނޑުތައް އެސަރަހައްދަށްވެސް ގަދަވާނެއެވެ.
މޫސުން ރަނގަޅުވާން ފަށާނީ ބުރާސްފަތި ދުވަހުން ފެށިގެންނެވެ.
ރިއެކްޝަންސް
