އުއްތަމަ ފަނޑިޔާރު ކަމަށް އަބްދުލްޣަނީ މުޙައްމަދު އައްޔަންކުރެއްވުމަށް ރައީސް ހުށަހަޅުއްވައިފި
އުއްތަމަ ފަނޑިޔާރު ކަމަށް އަބްދުލްޣަނީ މުޙައްމަދު އައްޔަންކުރެއްވުމަށް ރައީސް ހުށަހަޅުއްވައިފިއެވެ. ރައީސުލްޖުމްހޫރިއްޔާ ރައްޔިތުންގެ މަޖިލިހަށް ފޮނުއްވި ސިޓީގައި ވިދާޅުވެފައިވަނީ އުއްތަމަ ފަނޑިޔާރު ކަމަށް އަލްއުސްތާޛު ޢަބްދުލްޣަނީ މުޙައްމަދު އައްޔަންކުރެއްވުމަށް ޖުޑީޝަލް ސަރވިސް ކޮމިޝަނުން އެމަނިކުފާނަށް ލަފާދެއްވާފައިވާ ކަމަށެވެ. އެހެންކަމުން އެކަމާމެދު ރައްޔިތުންގެ މަޖިލިހަށް ފެނިވަޑައިގަންނަވާ ގޮތެއް އަންނަގަވާދެއްވުން އެދި ވަޑައިގެން ފޮނުއްވުމުން, ރިޔާސަތުން ވަނީ އެމައްސަލަ ޖުޑިޝަރީ ކޮމިޓީއަށް ފޮނުއްވާފައެވެ.
އުއްތަމަ ފަނދިޔާރުކަމަށް ހުޅުވާލުމުން ތިން ބޭފުޅަކު ކުރިމަތިލެއްވިއެވެ. ޢަބްދުލްޣަނީ މުޙައްމަދުގެ އިތުރުން ކުރިމަތިލެއްވީ ހައިކޯޓްގެ ކުރީގެ އިސްފަނޑިޔާރު ޝުޖާއު އުސްމާނާއި, އާއިލާއާބެހޭ ކޯޓްގެ ގާޒީ އަދި ކްރިމިނަލް ކޯޓްގެ ކުރީގެ އިސްގާޒީ ޢަބްދުالله މުޙައްމަދެވެ. ޣަނީ އަކީ ކުރިން ހައިކޯޓްގެ ފަނޑިޔާރުކަން ކުރެއްވި ބޭފުޅެކެވެ.
އުއްތަމަ ފަނޑިޔާރުގެ މަގާމް ހުސްވީ އެމަގާމްގައި ކުރިން ހުންނެވި އަހުމަދު މުއުތަސިމް އަދުނާން ޝަރަފްވެރިކަމާއެކު ރިޓަޔަރ ކުރެއްވުމުންނެވެ.
ރިއެކްޝަންސް
