ރާއްޖޭގެ ވަޒީރުން ސްރީލަންކާގެ ރައީސްއާއެކު މަޝްވަރާތައް ކުރިއަށް ގެންދަވައިފި
ރާއްޖޭގެ ވަޒީރުން ސްރީލަންކާގެ ރައީސް އަނިރާ ކުމާރާ ޑިސަނަޔަކަ އާއެކު މަޝްވަރާތައް ކުރިއަށް ގެންދަވައިފި އެވެ. ރައީސުލްޖުމްހޫރިއްޔާ ޑރ.މުޙައްމަދު މުއިއްޒުގެ ދައުވަތަކަށް ރާއްޖެވަޑައިގެން އުޅުއްވާ ސްރީލަންކާގެ ރައީސްއާއެކު މިއަދު ދިވެހި ސަރުކާރުގެ ބައެއް ވަޒީރުން އެވުޒާރާތަކުގެ ދާއިރާއިން މަޝްވަރާތައް ކުރިއަށް ގެންދެވިއެވެ.
މިއަދު މަޝްވަރާތައް ކުރިއަށް ގެންދެވީ ޑިފެންސް މިނިސްޓަރ މުޙައްމަދު ޣައްސާން މައުމޫނާއި, ޚާރިޖީ ވަޒީރު ޑރ.ޢަބްދުالله ޚަލީލް އާއި ފިނޭންސް މިނިސްޓަރ މޫސާ ޒަމީރާއި, އިކޮނޮމިކް މިނިސްޓަރ މުޙައްމަދު ސައީދު އެވެ.
ޑިފެންސްގެ ދާއިރާއިން ގުޅުން ބަދަހިކުރުމާއި, ޚާރިޖީ ދާއިރާއިން ގުޅުން ބަދަހި ކުރުމުގެ މަޝްވަރާތައް އެދެވުޒާރާގެ ވަޒީރު ސްރީލަންކާގެ ރައީސްއާއެކު ކުރިއަށް ގެންދެވިއެވެ. ފިނޭންސް އެންޑް ޕޭނިންގ މިނިސްޓަރ މޫސާ ޒަމީރު ވަނީ ތަރައްޤީ އާއި އިގްތިޞާދީ ދާއިރާއިން ގުޅުން ބަދަހިކޮށް އެއްބާރުލުން އިތުރު ކުރުމުގެ މަޝްވަރާތައް ކުރައްވާފައެވެ.
އިކޮނޮމިކް މިނިސްޓަރ މުޙައްމަދު ސައީދު ވަނީ ވިޔަފާރީގެ ދާއިރާއިން އެހީތެރިކަން އިތުރުކުރުމުގެ މަޝްވަރާތައް ކުރައްވާފައެވެ. ވަޒީރުން ސްރީލަންކާގެ ރައީސްއާ ބައްދަލުކުރެއްވީ ކުރުނބާ މޯލްޑިވްސްގައެވެ.
ރިއެކްޝަންސް
