ދިވެހި ފަންނުވެރިން މެދުވެރިކޮށް ރާއްޖެ އިޝްތިހާރުކުރަން އެމްއެމްޕީއާރުސީން އެބަސެޑަރުން ހޯދަނީ
ދިވެހި ފަންނުވެރިންނާއި އާޓިސްޓުން ބޭނުންކޮށްގެ ރާއްޖޭގެ ފަތުރުވެރިކަން އިޝްތިހާރުކުރަން އެމްބަސެޑަރުން ހޯދުމަށް މޯލްޑިވިސް މާކެޓިން އެންޑް ޕަބްލިކް ރިލޭޝަން (އެމްއެމްޕީއާރުސީން) ހުޅުވާލައިފިއެވެ.
އެމްއެމްޕީއާރުސީގެ ވިޒިޓް މޯލްޑިވްސްގެ ކުޑައިގެ ދަށުން ދިވެހި ފަންނާނުންނަށް ހުޅުވާލި މި ފުރުޞަތަކީ ދިވެހި އާޓިސްޓުންނާއި ފަންނުވެރިން ބާރުވެރިކުރުމަށް ހުޅުވާލި ފުރުޞަތެކެވެ. އެއާއެކު އެމީހުންގެ ހުނަރާއި ފަންނުގެ ތެރެއިން ދިވެހިރާއްޖޭގެ ދެވަނައެއް ނެެތްފަދަ ގުރުދަތީ ރީތިކަމާއި, ކުލަރީތި ސަގާފަތް މުޅި ދުނިޔެއަށް ފެންނަ ގޮތަށް ކުރަހާލަދިނުމަށް ހުޅުވިގެންދިޔަ ފުރުޞަތެއް ކަމަށް އެމްއެމްޕީއާރުސީން ވަނީ ބުނެފައެވެ.
މި ޕްރޮގްރާމްގައި ބައިވެރިވުމަށް ހުށަހަޅާ ޕްރޮފޯސަލްތައް އީ-މެއިލް މެދުވެރިކޮށް proposals@visitmaldives.com އަށް ފޮނުވުމުން އެކަމަށް އެދި ހުށަހެޅުނީއެވެ.
އެމްއެމްޕީއާރުސީން މީގެކުރިން ވަނީ ދުނިޔޭގެ މަޝްހޫރު ފަރާތްތަކާއިއެކު ފަތުރުވެރިކަން ޕްރޮމޯޓްކުރުމަށް އެއްބަސްވުންތައް ހަދާފައެވެ. އެގޮތުން ދާދި ފަހުން އިންޑިއާގެ މަޝްހޫރު އެކްޓަރު ކެޓްރީނާ ކައިފްއަށް ވަނީ ގްލޯބަލް ޓުއަރިޒަމް އެމްބަސެޑަރު ގެ މަޤާމްވެސް އަރުވާފައެވެ.
މީގެ އިތުރުން ފާއިތިވި ސީޒަންގައި އިނގިރޭސި ޕްރިމިއަރ ލީގު އުފުުލާލީ ލިވަޕޫލްއާއެކު ވެސް ރާއްޖެ އިޝްތިހާރުކުރުމަށް ވަނީ އެއްބަސްވެފައެވެ.
ރިއެކްޝަންސް
