![އައިލެންޑް އޭވިއޭޝަނުން ޖާބިރު ގޮވައިގެން ފުލުހަށް](https://amaazmedia.com/uploads/images/202402/image_870x_65c4bf4aa226a.jpg)
އައިލެންޑް އޭވިއޭޝަނުން ޖާބިރު ގޮވައިގެން ފުލުހަށް
ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރު ބޭއަދަބީ ބަހުން މުއާމަލާތްކޮށް ބިރު ދެއްކި މައްސަލަ އައިލެންޑް އޭވިއޭޝަނުން ފުލުހުންނަށް ހުށަހަޅައިފި
ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރު ބޭއަދަބީ ބަހުން މުއާމަލާތްކޮށް ބިރު ދެއްކި މައްސަލަ އައިލެންޑް އޭވިއޭޝަނުން ފުލުހުންނަށް ހުށަހަޅައިފިއެވެ.
މޯލްޑިވިއަން ހިންގާ އައިލެންޑް އޭވިއޭޝަންގެ އޮފިޝަލަކު ވިދާޅުވީ އެ މައްސަލަ ފުލުހުންނަށް ހުށަހަޅާފައިވާ ކަމަށެވެ. އަދި ޖާބިރާމެދު އަމަލުކުރާނެ ގޮތެއް ތަހުގީގަށްފަހު ނިންމާނެ ކަމަށް އޮފިޝަލް ވިދާޅުވި އެވެ.
މޯލްޑިވިއަންގެ ސީޕްލޭނެއްގެ ކްރޫއިންނަށް ޖާބިރު ބޭއަދަބީ ބަހުން މުއާމަލާތްކުރާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ އާންމުވެފަ އެވެ.
ޖާބިރުގެ މައްސަލަ ފުލުހުންނަށް ހުށަހަޅާފައިވާއިރު ޖާބިރު ރައްޔިތުންނާ ބޭއަދަބީ ބަހުރުވައިން މުއާމަލާތްކޮށް މަސްލަހަތު ގެއްލޭ ގޮތަށް ތަކުރާރުކޮށް އަމަލުކުރަމުންދާތީ ކަމަށް ބުނެ އެމްޑީޕީން ވަނީ ޖާބިރު އެ ޕާޓީން ވަކިކޮށްފަ އެވެ.
އެމްޑީޕީން ޖާބިރު ވަކިކޮށްފައި މިވަނީ ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ވާދަކުރެއްވުމަށް ޕްރައިމަރީން އެމްޑީޕީގެ ޓިކެޓްވެސް ޖާބިރަށް ކަށަވަރުވެފައި ވަނިކޮށެވެ.
ރިއެކްޝަންސް
![like](https://amaazmedia.com/assets/img/reactions/like.png)
![dislike](https://amaazmedia.com/assets/img/reactions/dislike.png)
![love](https://amaazmedia.com/assets/img/reactions/love.png)
![funny](https://amaazmedia.com/assets/img/reactions/funny.png)
![angry](https://amaazmedia.com/assets/img/reactions/angry.png)
![sad](https://amaazmedia.com/assets/img/reactions/sad.png)
![wow](https://amaazmedia.com/assets/img/reactions/wow.png)