ރާއްޖޭގެ މަތީ ތައުލީމް ފޯރުކޮށްދޭ މުއައްސަސާއަކުން ދެއްވި ފުރަތަމަ އޮނަރަރީ ޑޮކްޓަރޭޓްގެ ޝަރަފް ފަޟީލަތުއްޝައިޚް އިސްމާޢީލު މުޙައްމަދަށް!
ޝަރަފްއެރުވީ ރައީސުލްޖުމްހޫރިއްޔާ
ރާއްޖޭގެ މަތީ ތައުލީމް ފޯރުކޮށްދޭ މުއައްސަސާއަކުން ދެއްވި ފުރަތަމަ އޮނަރަރީ ޑޮކްޓަރޭޓްގެ ޝަރަފް ފަޟީލަތުއްޝައިޚް އިސްމާޢީލު މުޙައްމަދަށް އަރުވައިފިއެވެ. މިޝަރަފް ޝައިޚު އިސްމާޢީލް މުޙައްމަދަށް އެރުވީ ރޭ އޮތް ދިވެހިރާއްޖޭގެ އިސްލާމިކް ޔުނިވަރސިޓީގެ ދަސްވެރިނުވުމުގެ ރަސްމިއްޔާތުގައި އެޔުނިވަރސިޓީގެ ފަރާތުންނެވެ.
މިޝަރަފް ފަޟީލަތުއްޝައިޚް އިސްމާޢީލު މުޙައްމަދަށް އެރުވީ ރައީސުލްޖުމްހޫރިއްޔާ ޑރ.މުޙައްމަދު މުއިއްޒުއެވެ. ފަޟީލަތުއްޝައިޚް އިސްމާޢީލު މުޙައްމަދަކީ ދިވެހިރާއްޖޭގައި ޢަރަބި އިސްލާމީ ތަޢުލީމު ފެތުރެއްވުމުގައި ބައި ޤަރުނަށްވުރެ ގިނަ ދުވަސްވަންދެން ޚިދުމަތްކުރައްވާފައިވާ ބޭފުޅެކެވެ.
އެމަނިކުފާނުގެ އެހީތެރިކަމާއެކު ފުރުޞަތު ހޯއްދަވައިދެއްވައިގެން އިސްލާމީ ގައުމުތަކުން, ތައުލީމް ހާސިލްކުރެއްވި އެތައް ބޭފުޅުންނެއް މިއަދު ޚިދުމަތުގައި އެބަތިއްބެވިއެވެ. ދާދިފަހުން ހުޅުމާލޭގައި ވަނީ އެމަނިކުފާނުގެ ޚަރަދުގައި މިސްކިތެއް ބިނާކުރައްވަންވެސް ފައްޓަވާފައެވެ.
ރިއެކްޝަންސް
