ޓޮބްލެރޯން މިލްކް ޗޮކްލެޓް ވިއްކުން މަނާ ކޮށްފި
ޕްލާސްޓިކުން ތަޣައްޔަރުވެފައިވާތީ ޓޮބްލެރޯން ބްރޭންޑުގެ މިލްކް ޗޮކްލެޓް ވިއްކުންއެމްއެފްޑީއޭ އިން މަނާ ކޮށްފި
ޕްލާސްޓިކުން ތަޣައްޔަރުވެފައިވާތީ ޓޮބްލެރޯން ބްރޭންޑުގެ މިލްކް ޗޮކްލެޓް ވިއްކުންއެމްއެފްޑީއޭ އިން މަނާ ކޮށްފިއެވެ.
އެ އޮތޯރިޓީން ނެރުނު ބަޔާނެއްގައި ބުނީ ޕްލާސްޓިކް ތަޣައްޔަރުވެފައިވާ ސްވިޓްޒަލެންޑުގެ ޓޮބްލެރޯން ބްރޭންޑުގެ މިލްކުގެ ދެ ވައްތަރެއްގެ ޗޮކްލެޓު އެތެރެވެފައިވާ ކަމަށް، ޔޫރަޕްގެ ރެޕިޑް އެންޑް ސިސްޓަމް ފޯ ފުޑް އެންޑް ފީޑް އަދު ދުނިޔޭގެ ސިއްހަތު ޖަމިއްޔާގެ އިންޓަނޭޝަނަލް ފުޑް ސޭފްޓީ އޮތޯރިޓީސް ނެޓްވޯކް މެދުވެރިކޮށް އަންގާފައިވާ ކަމަށެވެ.
މިއީ ޗޮކްލެޓް އުފައްދާ މެޝިނަށް ދިމާވި މައްސަލައަކާއި ގުޅިގެން ދިމާވި ކަމެއް ކަމަށާއި އެހެން ކަމުން ތަޣައްޔަރުވެފައިވާ މިއުފެއްދުމުގެ ސަބަބުން ޕްލާސްޓިކް ކޮޅެއް ކަރުގައި ތާށިވުން ނުވަތަ ދަތަށް ގެއްލުމެއް ލިބުން ފަދަ ކަމެއް މެދުވެރިވުމުގެ ފުރުސަތު އޮތް ކަމެއް ކަމަށް އެފަރާތުން ފާހަގަ ކޮށްފައިވާ ކަމަށް އެމްއެފްޑީއޭއިން ވަނީވިދާޅުވިއެވެ.
ރައްކާތެރިކަމުގެ ފިޔަވަޅެއްގެ ދަށުން ހަ ލޭބަލެއްގައިވާ ޓޮބްލެރޯން މިލްކް ޗޮކްލެޓު އެތެރެނުކުރުމަށާއި ނުވިއްކަން ވަނީ އަންގައިފަ އެވެ.
މައްސަލަ ދިމާވި ޓޮބްލެރޯން މިލްކް ހަނީ އަދި އެލްމަންޑް މުއްދަތު ހަމަވާނީ ސެޕްޓެމްބަރު 1، 2024 ގަ އެވެ. ޓޮބްލެރޯން މިލްކް ޗޮކްލެޓު އުފެއްދީ ސެޕްޓެމްބަރު 1، 2023 ގަ އެވެ.
ރިއެކްޝަންސް
