ހޮޅުދޫ ބޯޓުން ގެއްލުނު ޒުވާނާ ހޯދުމަށް ޑްރޯން ބޭނުންކުރަން ފަށައިފި
އަލިފާނުގެ ހާދިސާ ހިނގި ހޮޅުދޫ ބޯޓު އަޑިއަށް ގޮސްފައި / ފޮޓޯ: ސިފައިން

ހޮޅުދޫ ބޯޓުން ގެއްލުނު ޒުވާނާ ހޯދުމަށް ޑްރޯން ބޭނުންކުރަން ފަށައިފި

19 hours ago - 12:03
Apr 3, 2025 - 12:24
Advertisement
Advertisement

"ހޮޅުދޫ ބޯޓު" ނަމަކަށް ކިޔާ މުދާ އުފުލާ ބޯޓުގައި ހިނގި އަލިފާނުގެ ޙާދިސާގައި ގެއްލުނު ޒުވާނާ ހޯދުމަށް ޑްރޯން ބޭނުންކުރަމުންދާކަމަށް އެމްއެންޑީއެފުން ވިދާޅުވެއްޖެއެވެ. 

އެ ބޯޓުގައި އަލިފާން ރޯވުމާޢި ގުޅިގެން އެމްއެންޑީއެފުން ރޭ ވިދާޅުވީ ބޯޓުން ދަތުރު ކުރީ ކެޕްޓަނާއެކު 18 މީހުން ކަމަށެވެ. އޭގެތެރެއިން އެކަކު ފިޔަވައި އެންމެން ސަލާމަތްކޮށްފައިވާކަމަށާއި، އަދި މިހާތަނަށް ނުފެނިވަނީ ލ.މާވަށަށް ނިސްބަތްވާ ޢުމުރުން 25 އަހަރުގެ ޢަލީ މުޝްފިގް މުހައްމަދު ޝަރީފުކަމަށް އެމްއެންޑީއެފުން ވިދާޅުވިއެވެ.

އެމްއެންޑީއެފުން މިއަދު ކުރި އެކްސް ޕޯސްޓެއްގައި ވިދާޅުވީ ޢަލީ މުޝްފިޤް ހޯދުމުގެ މަސައްކަތް ކޯސްޓްގާޑްގެ ތިން އުޅަންދެއްގެ އިތުރުން ޑައިވަރުންނާއި އެއާރ ކޯރގެ ޑްރޯން އަދި އެ އިދާރާގެ ސެންޓްރަލް އޭރިއާ ކޮމާންޑްގެ ސިފައިން ގުޅިގެން  މަސައްކަތް ކުރަމުންދާ ކަމަށެވެ.

"އެމްއެންޑީއެފް ކޯސްޓްގާޑް ޝިޕް ޢާޒީ، އެފްއައިސީ މާފަތް، އެޗްޕީ 114، ޑައިވަރުންނާއި އެއާރ ކޯރގެ ޑްރޯން އަދި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން ކަނޑުމަތިންނާއި ޑައިވްކޮށްގެން އަދި ވައިގެ މަގުން ޢަލީ މުޝްފިޤް ޝަރީފް ހޯދުމުގެ މަސައްކަތް ދަނީ ކުރަމުން." އެމްއެންޑީއެފުން ވިދާޅުވިއެވެ.

Advertisement
Advertisement

"ހޮޅުދޫ ބޯޓު" ގައި އަލިފާން ރޯވާން ދިމާވި ސަބަބު އަދި މިހާތަނަށް އެއްވެސް ފަރާތަކުން ހާމަކުރައްވާފައެއް ނުވެއެވެ. މި ބޯޓާއި ގުޅުން ހުރި ފަރާތްތަކުން މައުލޫމާތު ދެއްވި ގޮތުގައި ނ. އަތޮޅު ހޮޅުދޫއަށް ނިސްބަތްވާ މި ބޯޓް މިފަހަކުން ދަތުރުކުރަމުން ގެންދިޔައީ މާލެއިން ލ އަތޮޅާއި، ތ. އަތޮޅުގެ ބައެއް ރަށްތަކަށް ދަތުރުކުރާ ބޯޓެއްގެ ގޮތުގައެވެ.  

ރިއެކްޝަންސް

like

dislike

love

funny

angry

sad

wow

Advertisement
Advertisement