ފަހު ވަގުތު ފަހަތުން އަރާ އެތްލެޓިކޯ ބަލިކޮށް, ބާސެލޯނާއިން ތާވަލްގެ ކުރިއަށް
ފަހަތުންއަރާ 4-2 ން އެތްލެޓިކޯ މެޑްރިޑް ބަލިކޮށް, ބާސެލޯނާއިން ލަލީގާ ތާވަލްގެ އެއްވަނައަށް ޖެހިލައިފިއެވެ.
މެޗުގެ 40 ވަނަ މިނިޓްގައި އެތްލެޓިކޯއަށް ލީޑު ނަގައިދިނީ ހޫލިއަން އަލްވަރޭޒް އެވެ. 70 ވަނަ މިނިޓްގައި އަލްކްސަންޑަރ ސޯލޮތް ކާމިޔާބުކޮށްދިން ގޯލާއެކު މެޗު ނިމެން ބާރަ މިނިޓަށް ވަންދެންވެސް ނަތީޖާ އޮތީ 2-0 ން އެތްލެޓިކޯ ކޮޅަށެވެ.
ބާސެލޯނާގެ ފުރަތަމަ ގޯލް 72 ވަނަ މިނިޓްގައި ރޮބާޓް ލެވަންޑޮސްކީ ކާމިޔާބުކޮށްދިނީ އިނީގޯ މާޓިނޭޒް ތަނަވަސްކޮށްދިން ފުރުޞަތުގައެވެ
މެޗުން ބާސެލޯނާ މޮޅުކޮށްދިން ގޯލް މެޗުގެ ފުރިހަމަ ވަހުތު ހަމަވެ އިތުރު ވަގުތުގެ ދެވަނަ މިނިޓްގައި ޕެޑްރީ ތަނަވަސްކޮށްދިން ފުރުޞަތުގައި ކާމިޔާބުކުރީ ޒުވާން ކުޅުންތެރިޔާ ލަމީން ޔަމާލްއެވެ. މެޗުގައި ބާސެލޯނާގެ ހަތަރުވަނަ ގޯލް މެޗު ނިމުމުގެ ކުރިން އިތުރު ވަގުތުގެ އަށްވަނަ މިނިޓްގައި ކާމިޔާބުކުރީވެސް ޓޮރޭސްއެވެ. އެއީ ރަފީނިއާ ތަނަވަސްކޮށްދިން ފުރުޞަތުގައެވެ.
ރޭ އެތްލެޓިކޯގެ މައްޗަށް ހޯދި ބޮޑު މޮޅާއެކު ބާސާ އަށް ތާވަލްގެ ކުރި ލިބެނީ ދެވަނައިގައި އޮތް ރެއާލް މެޑްރިޑް އާއި ޕޮއިންޓްގެ ގޮތުން އެއްވަރުވެގެންނެވެ. ހަތަރު ޕޮއިންޓް މަދުކޮށް ތާވަލްޖެ ތިންވަނައިގައި އެތްލެޓިކޯ އޮތީ 56 ޕޮއިންޓާއެކުއެވެ.
ރިއެކްޝަންސް
