އދ.އަރިޔަދޫ ގައި ރުއް ހައްދާ އާލާކުރަނީ

އދ.އަރިޔަދޫ ގައި ރުއް ހައްދާ އާލާކުރަން ދަނޑުވެރިކަމާއި, ދިރޭތަކެއްޗާބެހޭ ވުޒާރާއިން ނިންމަވައިފިއެވެ. އެމިނިސްޓްރީން މިފަދަ ނިންމެވުމެއް ނިންމެވީ އެރަށަކީ އެމިނިސްޓްރީގެ ރަށެއްގެ ގޮތުގައި ވަޒީރުންގެ މަޖިލިހުން ނިންމެވުމުންނެވެ.

ދަނދުވެރިކަމާ ދިރޭތަކެއްޗާ ބެހޭ ވުޒާރާއިން ބުނީ އދ.އަރިޔަދޫގައި 'ކޮކްނަޓް ޑިވެލޮޕްމަންޓް' ސެންޓަރެއް ޤާއިމް ކުރައްވާނެ ކަމަށެވެ. އެސެންޓަރު ޤާއިމްކުރައްވާ ރާއްޖޭގައި ހެދޭ, އަދި ހައްދަން ބޭނުންވާ މަތިވަރާއި, ފެންވަރު ރަނގަޅު ރުކުގެ ނާސަރީ ތަކެއް ގާއިމްކުރައްވާނެ ކަމަށް މިނިސްޓްރީން ވިދާޅުވިއެވެ.ރުކުގެ ސެޓިފައިޑް ތަފާތު މުޑުވައްތައް ދެމެހެއްޓެނިވި ގޮތެއްގައި ރަށްތަކަށް ފޯރުކޮށްދިނުމުގެ މަސައްކަތް ކުރެވޭނެ ކަމަށް މިނިސްޓްރީން ވިދާޅުވިއެވެ.

މަތިވަރު ރަނގަޅު ރުކުގެ ނާސަރީއެއް ގާއިމްކުރައްވަން ނިންމަވާފައި މިވަނީ ކާށި ލިބުން ދަތިވެ, މިރަމަޟާންމަހު ވެސް ރާއްޖެއިން ބޭރުން ކާށި އެތެރެކުރަން ޖެހިފައި ވަނިކޮށެވެ.