ޑައިލިސް ހަދާ ފަރާތްތަކަށް އުފާވެރި ހަބަރެއް، ހުޅުމާލޭގައި 30 އެނދުގެ ޑައިލިސިސް ސެންޓަރެއް ޤާއިމްކުރަނީ
ހުޅުމާލޭ ހޮސްޕިޓަލުގައި 30 އެނދުގެ ޑައިލިސިސް ސެންޓަރެއް ޤާއިމްކުރުމަށް އިއުލާނުކޮށް އެކަމުގެ އެއްބަސްވުމުގައި ރަސްމީކޮށް ސޮއިކޮށްފިއެވެ
ހުޅުމާލޭ ހޮސްޕިޓަލުން އެކްސްގައި ހިއްސާކުރި ޕޯސްޓެއްގައި ބުނީ މި މަޝްރޫޢަކީ ދުވަހެއް ދުވަހަކަށް އާބާދީ އިތުރުވަމުންދާ ހުޅުމާލޭގެ ރައްޔިތުންނަށް ފަސޭހަކޮށްދިނުމަށްޓަކައި ކުރިއަށްގެންދާ މުހިންމު މަޝްރޫޢެއް ކަމަށެވެ.
މަޝްރޫޢުގެ ދަށުން ކުރަންޖެހޭ ސިވިލް މަސައްކަތްތައް 90 ދުވަހުގެ ތެރޭގައި ނިންމުމަށް ވަނީ ކަނޑައަޅާފައެވެ. މި ސެންޓަރު ޤާއިމްކުރުމުން ހުޅުމާލޭގެ ރައްޔިތުންނަށް ބޭނުންވާ ޑައިލިސިސްގެ ޚިދުމަތް ފުޅާވެގެންދާނެ ކަމަށް ހުޅުމާލެ ހޮސްޕިޓަލުން ދެކެއެވެ.
ރާއްޖޭގެ އާބާދީގެ ނިސްބަތުން ގިނަ އަދަދެއްގެ ބަޔަކު ޑައިލިސިސް ހަދަމުންދާއިރު، ހުޅުމާލޭގައި މިފަދަ ސެންޓަރެއް ގާއިމުވެގެން ދިޔުމަކީ ދިވެހި ރައްޔިތުންނަށް ލިބިގެންދާނެ ވަރަށް ބޮޑު ލުއި ފަސޭހަ ކަމަކަށް ވެގެން ދާނެއެވެ.
ރިއެކްޝަންސް
