ރަމަޟާން މަހު މާލޭގައި ބަރު އުޅަނދު ދުއްވޭނެ ގަޑިތައް ކަނޑައަޅައިފި
ރަމަޟާން މަހު މާލޭގައި ބަރު އުޅަނދު ދުއްވޭނެ ވަކި ގަޑިތަކެއް އިކޮނޮމިކް މިނިސްޓްރީން ކަނޑައަޅައިފިއެވެ.
މިނިސްޓްރީން ވިދާޅުވީ މި ގަޑިތައް ހިނގާނީ ރަމަޟާން މަހުގެ 1 ވަނަ ދުވަހުން ފެށިގެން ޝައްވާލު މަހުގެ 7 ވަނަ ދުވަހުގެ ނިޔަލަށެވެ.
ބަރު އުޅަނދާއި މުދާ އުފުލާ އުޅަނދުތަކަށް މާލޭގައި ދުއްވޭނީ ހެނދުނު 09:30 އިން ހަވީރު 16:30 އަށް އަދި ރޭގަނޑު 20:00 އިން ހެނދުނު 06:00 އަށެވެ. މި ގަޑިތަކުގެ ބޭރުން ބަރު އުޅަނދު ދުއްވުމާއި މުދާ އުފުލުން ވަނީ މަނާކޮށްފައެވެ.
އެހެން އަހަރުތަކާއި ޚިލާފަށް މި ފަހަރުގެ ރަމަޟާން މަހުގެ ފަހު ދިހައިގެ ދުވަސްތަކުގައި ހަވީރު 16:30 އިން ރޭގަނޑު 20:00 އާ ދެމެދު ބަރު އުޅަނދާއި މުދާ އުފުލާ އުޅަނދު މާލޭގެ މަގުތަކުގައި ދުއްވުން މަނާވާނެކަމަށް އިކޮނޮމިކް މިނިސްޓްރީން ވިދާޅުވެއެވެ.
މި ފިޔަވަޅުތަކުގެ މަޤްޞަދަކީ ރަމަޟާން މަހު ރައްޔިތުންނަށް ލުއިފަސޭހަކޮށްދިނުމާއި، މާލޭގެ މަގުތަކުގައި ޓްރެފިކް މަދުކުރުންކަމަށް އެމިނިސްޓްރީން ވިދާޅުވެއެވެ.
ރިއެކްޝަންސް
