ޕީޕީއެމް ވެސް އުވާލައިފި

ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ވެސް އުވާލައިފިއެވެ. އިލެކްޝަން ކޮމިޝަންގެ ދަފްތަރުން ޕީޕީއެން އުނިކުރީ އެޕާޓީ އުވާލަން އެޕާޓީގެ ސެނެޓުން ނިންމާ, އިލެކްޝަން ކޮމިޝަންގައި އެދުމުންނެވެ.

އިލެކްޝަން ކޮމިޝަނުން ބުނީ ޕީޕީއެމް އުވާލީ އެޕާޓީ އުވާލަން ފުރިހަމަކުރަން ޖެހޭ ކަންކަން ފުރިހަމަކުރުމަށްފަހު ކޮމިޝަނަށް އެންގުމުން ކަމަށެވެ. ޕީޕީއެމް އުވާލިއިރު އެޕާޓީގެ ދަފްތަރުގައި 12174 މެމްބަރުން ތިއްބެވެ. ޕީޕީއެމް އުވާލަން އެޕާޓީގެ ސެނެޓުން ނިންމީ ވެރިކަން ކުރާ ޕީއެންސީގެ މެމްބަރުންގެ އަދަދު އިތުރުކޮށް އެޕާޓީއާއެކު ކުރިއަށް ދިއުމަށެވެ. ޕީޕީއެމް އުވާލުމާ ހަމައަށް ދެ ޕާޓީވެސް ކުރިއަށް ގެންދިޔައީ ގުޅިފައިވާ ސެނެޓުންނެވެ.

ޕީޕީއެމްއަކީ ކުރީގެ ރައީސް މައުމޫން އިސްވެ ހުންނަވާ އުފެއްދެވި ޕާޓީއެކެވެ. ފަހުން މައުމޫނަށް އެޕާޓީގެ ކޮންޓްރޯލް ގެއްލި ލީޑްކުރެއްވީ ކުރީގެ ރައީސް އަބްދުالله ޔާމީން އެވެ. ޔާމީނަށް ޕާޓީގެ ކޮންޓްރޯލް ގެއްލުނީ ރައީސްކަމަށް ޑރ.މުޙައްމަދު މުއިއްޒު އިންތިޚާބުވެވަޑައިގެންނެވި ހިސާބުންނެވެ.