އިޒްރާއިލްއިން ޖެނިންގައި ދަނީ 'ޤާނޫނާ ޚިލާފް ލީތަލް ފޯސް' ބޭނުންކުރަމުން: އދ
އިޒްރާއިލްއިން, ހިފާފައިވާ ހުޅަނގު އައްސޭރީގެ ޖެނިންގައި 'ޤާނޫނާ ޚިލާފް ލީތަލް ފޯސް' ބޭނުންކުރަމުންދާ ކަމަށް އދ ން ތުހުމަތުކޮށްފިއެވެ. ޖެނިންގައި އިޒްރާއިލްއިން ދެމުންދާ ހަމަތާލާތަކަށް ހަތަރުދުވަސް ވެފައިވާއިރު ހަމާލާތަކުގައި މިހާތަނަށް ވަނީ 12 މީހަކު ޝަހީދުކޮށްލާފައެވެ. އިޒްރާއިލްއިން މިލިޓަރީން ޖެނިންގައި ކުރިއަށްގެންދާ ' އަޔަން ވޯލް' އޮޕަރޭޝަން އާ ގުޅޭގޮތުން އެޖަމާއަތުގެ ކަންބޮޑުވުން ފާޅުކޮށް ވަނީ ވާހަކަ ދައްކާފައެވެ. އދ ން ބުނެފައިވަނީ އިޒްރާއިލްއިން ދަނީ ހަނގުރާމަ ތަކުގައި ބޭނުންކުރުމަށް ފަރުމާކޮށްފައިވާ ބަރުހަތިޔާރު ޖެނިންގައި ބޭނުންކުރަމުން ކަމުގައެވެ.
"އިޒްރާއިލްއިން ޖެނިންގައި ދަނީ ބައިނަލްއަޤުވާމީ އިންސާނީ ޙައްގުތަކާބެހޭ ޤާނޫނާ ޚިލާފަށް ހަނގުރާމަތަކުގައި ބޭނުންކުރާ އާލާތްތަކާއި ބާރު އަދި އުކުޅު ބޭނުންކުރަމުން. މީގެ ތެރޭގައި އެއްފަހަރާ އެތައް ބައިވަރު ވައިގެ ހަމަލާތައް ދިނުމާއި ހަތިޔާރުނެތް އާންމުން ސަލާމަތް ހޯދުމަށް ދަނިކޮށް އެމީހުންނަށް އަމާޒުކޮށް ބަޑިޖެހުންވެސް ހިމެނޭ" އދ ގެ އިންސާނީ ހައްޤުތަކާގުޅޭ އޮފީހުގެ ތަރުޖަމާނު ތަމީމް އަލް-ކީތާން ޖެނިވާގައި ބޭއްވި މީޑިއާ ބްރީފިން އެއްގައި ބުނެފައި ވެއެވެ.
އިޒްރާއިލްއިން ވަނީ ހިފާފައިވާ ހުޅަނގު އައްސޭރީގެ ޖެނިން ސިޓީ އަދި ރެފިއުޖީ ކޭމްޕަށް ވަނުމަށް އޮންނަ މައި ހަތަރު ދޮރުވެސް ބަންދުކޮށްފައެވެ. އަދި ޖެނިން ސިޓީ އާއި ރެފިއުޖީ ކޭމްޕް ދޫކޮށްދިއުމަށް އިޒްރާއިލްއިން ވަނީ އަމުރުކޮށްފައެވެ.
"އިޒްރާއިލް އިން ދަނީ ޖެނިންގެ ނަސްލު ނައްތާލުމުގެ ނުރައްކާތެރި އަމަލެއް ހިންގަމުން. އާންމުން އެމީހުންގެ އާއިލާތަކާއެކު އެމީހުންގެ ގެދޮރު ދޫކޮށް ފައިމަގުގައި ނިކުތުމަށް މަޖުބޫރުކޮށްފި. މަގުމަތިން އެމީހުންނަށް އިހާނަތިވާގޮތަށް ހަށިގަނޑު ބަލާ ފާސްވެސް ކުރޭ" ފަލަޞްޠީނިއަން ނޭޝަނަލް އިނީޝިއޭޓިވް ޕާޓީގެ ލީޑަރު މުސްތަފާ އާ ހަވާލާދީ އަލްޖަޒީރާގައި ރިޕޯޓްކޮށްފައި ވެއެވެ.
ރިއެކްޝަންސް
