ހަމަލާތައް ހުއްޓާލުމުގެ ސުންގަޑި ޖެހިއްޖެ, އަސީރުންގެ ލިސްޓް ނުލިބެނީސް ހަމަލާތައް ހުއްޓާނުލާނެކަމަށް ނަތަންޔާހޫ ބުނެފި
ހަމާސްއިން މިނިވަންކުރާނެކަމަށް ބުނެފައިފައިވާ 33 އަސީރުންގެ ލިސްޓު ނުލިބެނީސް ހަމަލާތައް ހުއްޓާނުލާނެ ކަމަށް އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ ބުނެފިއެވެ. ނަތަންޔާހޫ ވަނީ ޣައްޒާގައި ތިބި އިޒްރާއިލްގެ އަސްކަރިއްޔާގެ ފައުޖުތަކަށް ހަމަލާތައް ހުއްޓާނުލުމަށް އަމުރުކޮށްފައެވެ.
އެއްބަސްވުމަށް އަމަލުކުރުމަށް ކަނޑައެޅިފައިވާ ސުންގަޑިއަކީ މިއަދު ޖީއެމްޓީ ގަޑިން 06:30 އެވެ. ވަގުތު ޖެހުނު އިރު އިޒްރާއިލްއިން ހަމަލާތައް ހުއްޓާލުމަށް ވަނީ ދެކޮޅު ހަދާފައެވެ. ހަމާސްއިން ބުނަނީ ލިސްޓް ހިއްސާކުރެވިފައި ނުވަނީ ޓެކްނިކަލް މައްސަލައަކާ ގުޅިގެން ކަމުގައެވެ.
"ބޮޑުވަޒީރު ވަނީ އިސްރާއިލްގެ ޑިފެންސް ފޯސް (އައިޑީއެފް) އަށް މިތާގެ ގަޑިން 08:30 ގައި ހަމަލާތައް ހުއްޓާލުމަށް އޮތްއޮތުމަށް ހަމާސްއިން ލިސްޓް ލިބުމުގެ ކުރިން އަމަލު ނުކުރުމަށް އަންގާފަ" ނަތަންޔާހޫގެ އޮފީހުން ނެރުނުބަޔާނުގައި ބުނެފައި ވެއެވެ.
އުރުދުންގެ ވެރިރަނަށް އައްމާންގައި ހުރި އަލްޖަޒީރާގެ ރިޕޯޓަރު ސްޓޭފީނާ ޑެއްކާ ވިދާޅުވެފައިވަނީ ހަމާސް އަދި އިޒްރާއިލްއަށްވެސް ހަމަލާތައް ހުއްޓާލުމާބެހޭ އެއްބަސްވުމާއެކު ކުރިއަށް ދިއުމަށް ބައިނަލްއަޤުވާމީ ދުނިޔެއިން ބޮޑެތި ފިއްތުންތައް ކުރަމުންދާ ކަމަށެވެ. ޙާއްސަކޮށް އެއްބަސްވުމުގެ ފުރަތަމަ މަރުހަލާ ކުރިއަށް ނުގޮސްފިނަމަ މައްސަލައަށް ޙައްލެއް ހޯދުމަށް ދަތިވާނެ ކަމަށް އެފަރާތްތަކުން ދަނީ އަންގަމުންނެވެ.
"މިހާރު މި އޮތް ހާލަތާއެކު ހަމަލާތައް ހުއްޓާލުމުގެ ފެށުން ލަސްވުން އެކަށީގެންވޭ. އެކަމަކު އަހަންނަށް ޔަގީން ޤަތަރުން ހަމާސްއަށް އެކަމާގުޅިގެން ވަރަށް ޕްރެޝްރު ބޮޑުކުރާނެކަން. އަދި ނަންތައް ހާމަކޮށްފައެއް ނުވޭ" އަލްޖަޒީރާއަށް ސްޓެފީނާ ބުނެފައި ވެއެވެ.
ރިއެކްޝަންސް
