ހަމާލާތައް ހުއްޓާލުމާގުޅޭ އެއްބަސްވުމަށް އަމަލު ނުކުރާނެ ކަމުގެ އިޝާރާތެއް ނަތަންޔާހޫ ދީފި
އިޒްރާއިލް-ހަމާސްގެ ހަމަލާތައް ހުއްޓާލުމާބެހޭ އެއްބަސްވުމަށް ކެބިނެޓްގެރުހުން ދިނުމާގުޅޭގޮތުން ތާވަލްކުރެވިފައި އޮތްގޮތަށް ބައްދަލުވުން ނުބާއްވާނެކަމަށް އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ ބުނެފިއެވެ. ނަތަންޔާހޫ ބުނެފައިވަނީ އެއްބަސްވުމާ ގުޅޭގޮތުން ފަހުވަގުތު ހަމާސްއިން ވަނީ 'ކަންތައްތައް ދަތިކޮށްފައި' ކަމުގައެވެ.
އެއްބަސްވުން ތަސްދީޤުކުރަން ނަތަންޔާހޫގެ ނެބިނެޓް ބޭއްވުމަށް ކުރިން ތާވަލްކުރެވިފައިވަނީ ބުރާސްފަތި ދުވަހުއެވެ. ހަމަލާތާއް ހުއްޓާލުމާ ގުޅޭ އެއްބަސްވުމަށް އަމަލު ކުރުމަށް ހަމަޖެހިފައިވަނީ ފެށޭ ހަފުތާގެ އާދިއްތަ ދުވަހުން ފެށިގެންނެވެ.
"ހަމާސްއިން އެއްބަސްވުމުގެ ބައެއް ބައިތައް އަނބުރާ ގެންގޮސްފައިވަނީ, އަދި އެންމެ ފަހުވަގުތާ ހަމައަށްވެސް އިޒްރާއިލްއިން އެކަންކަން ހައްލުކުރުމާ ގުޅޭގޮތުން މަސައްކަތައް ކުރަން އެއްބާރުލުން ދީފައެއް ނުވޭ. އެހެންކަމުން ހަމާސްއިން އެއްބަސްވުމުގެ ހުރިހާ ބައެއް ޤަބޫލުކުރިކަން މެދުވެރިންގެ ފަރާތުން އެންގުމުން ނޫނީ ކެބިނެޓް ބައްދަލުވުން ނުބާއްވާނަން" ނަތަންޔާހުގެ ބަޔާނުގައި ބުނެފައި ވެއެވެ.
އިޒްރާއިލްއިން މި މޭރުމުން ވާހަކަ ދައްކާފައިވަނިކޮށް ހަމާސްގެ އިސް އޮފިޝަލެއް ކަމަށްވާ އިއްޒަތު އަލް-ރިޝީޤު ވަނީ އެކަމަށް ރައްދުދީ ބަޔާނެއް ނެރެފައެވެ. އޭނާގެ ބަޔާނުގައި ބުނެފައިވަނީ ބުދަ ދުވަހު މެދުވެރިންގެ ފަރާތުން އިއުލާނުކުރި ހަމަލާތައް ހުއްޓާލުމޭގުޅޭ އެއްބަސްވުމަށް ހަމާސްއިން ފުރިހަމައަށް ބޯލަނބާނެ ކަމުގައެވެ.
އިޒްރާއިލްގެ ގިނަ ބަޔަކު ހިމެނޭ ގޮތަށް އެކި ގްރޫޕްތަކުން ވަނީ ނަތަންޔާހޫގެ އޮފީހުގެ ކުރިމަތީގައި އިށިއިނދެ ތިބެ ކެބިނެޓުން އެ އެއްބަސްވުން ފާސްނުކުރަން ގޮވާލާފައެވެ.
"ހަމާސްއަށް އަމާންދޭންޖެހޭ ފަދަ ޑީލެއްގައި ސޮއި ނުކުރޭ. ބާކީ ތިބި އަސީރުންގެ މިނިވަންކަމުގެ ބަދަލުގައި އިޒްރާއިލްގެ ސަލާމަތާއި ރައްކާތެރިކަން ގުރުބާން ނުކުރޭ" ހަމާސްގެ ހަމަލާތަކުގައި މަރުވެފައިވާ އިޒްރާއިލް ސިފައިންގެ ކެޕްޓަނެއް ކަމަށްވާ އުރީ ޝާނީގެ ބައްޕަ ޔެހޮޝުއާ ޝާނީ އެތާހުރެ ދީފައިވާ ވީޑިއޯ މެސެޖެއްގައި ބުނެފައި ވެއެވެ.
ރިއެކްޝަންސް
