އީސީއަށް އައްޔަން ކުރުމަށް މަޖިލިހުގެ ރުހުން ސަލާހު އާއި ޒާހިދު އަށް
އިލެކްޝަން ކޮމިޝަން (އީސީ) އިން ހުސްވެފައިވާ ދެ މަގާމަށް އައްޔަން ކުރެއްވުމަށް އަބްދުއްރަހުމާނު ސޮލާހު ރަޝީދު އާއި މުޙައްމަދު ޒާހިދު އަށް ރައްޔިތުންގެ މަޖިލިހުން ރުހުންދީ ފާސްކޮށްފިއެވެ.
މީގެތެރެއިން ޒާހިދު އަކީ ކުރިން ހިޔުމަންރައިޓްސް ކޮމިޝަންގެ ނައިބުރައީސްކަން ކުރެއްވި ބޭފުޅެކެވެ. ސޮލާހު އަކީ އިލެކްޝަން ކޮމިޝަންގެ ސެކެޓްރީ ޖެނެރަލްގެ މަގާމް ކުރިން އަދާކުރެއްވި ބޭފުޅެކެވެ. އަދި މިދިޔަ ސަރުކާރުގައި އޭނާ ވަނީ ހޯމް މިނިސްޓްރީގެ ޕާމަނަންޓް ސެކެޓްރީގެ މަގާމް އަދާކުރައްވާފައެވެ.
ޒާހިދު އާއި ސޮލާހުއަށް މަޖިލިހުން ރުހުން ދިނީ ވޯޓްގައި ބައިވެރިވެވަޑައިގެންނެވި މެމްބަރުންގެ އިއްތިފާގުންނެވެ.
އިލެކްޝަން ކޮމިޝަންގެ ދެ މެމްބަރުންގެ މަގާމް ހުސްވީ ކުރީގެ ނައިބުރައީސް އަލީ ނަޝާތު އާއި މުޙައްމަދު އާސިފް މަގާމުން ވަކިކުރުމުންނެވެ. ތުހުމަތުތަކަކާއެކު އެދެމެމްބަރުން ވަކިކުރީ ރައްޔިތުންގެ މަޖިލިހުންނެވެ.
ރިއެކްޝަންސް
