ސިޔާސީ ޕާޓީތަކަށް މީހުން ވެއްދުން މިމަހުގެ 31 ގައި މެދުކަނޑާލަނީ
ސިޔާސީ ޕާޓީތަކަށް މީހުން ވެއްދުން މިމަހުގެ 31 ވަނަ ދުވަހު މެދުކަނޑާލަން އިލެކްޝަން ކޮމިޝަނުން ނިންމައިފިއެވެ. އިލެކްޝަން ކޮމިޝަނުން މިފަދަ ނިންމުމެއް ނިންމާފައި މިވަނީ ނޭންގި އެތައް ބަޔަކު ޕާޓީތަކަށް ވައްދާފައިވާ މައްސަލަތަކެއް ފެންމަތިވެ ޝަކުވާ ބޮޑުވެފައި ވަނިކޮށެވެ.
އިލެކްޝަން ކޮމިޝަނުން ބުނީ ސިޔާސީ ޕާޓީތަކަށް މީހުން ވެއްދުމުގެ ނިޒާމް ހަރުދަނާކޮށް ޑިޖިޓަލް ނިޒާމަކަށް ބަދަލުކުރުމަށް މިހާރު ބޭނުން ކުރަމުން އަންނަ 'ސިމެދަ' ޕޯޓަލް މެދުވެރިކޮށް ފޯމް ހުށަހެޅުން މިމަހުގެ 31 ން ފެށިގެން މެދުކަނޑާލަން ނިންމާފައިވާ ކަމަށެވެ.
އެހެންނަމަވެސް މައި ޕޯޓަލް މެދުވެރިކޮށް ޕާޓީން ވަކިވުމުގެ ޚިދުމަތް މެދުނުކެނޑި ކުރިއަށްދާނެ ކަމަށް އިލެކްޝަން ކޮމިޝަނުން ބުންޏެވެ. އެކޮމިޝަނުން މިފަދަ ނިންމުމެއް ނިންމާފައި ވަނީ ވަގަށް ޕާޓީތަކަށް މީހުން ވެއްދުމުގެ މައްސަލަ ބޮޑުވެ, އީފާސް މެދުވެރިކޮށް ޕާޓީތަކަށް މީހުންނަށް ވަދެވޭ ގޮތަށް ބަދަލުކުރަންވެސް ނިންމާފައި ވަނިކޮށެވެ.
ނޭންގި ޕާޓީއަށް ވައްދާކަމުގެ ތުހުމަތު އެންމެ ބޮޑުވެފައިވަނީ ވެރިކަން ކުރާ ޕީއެންސީ އަށެވެ. އެމައްސަލައިގައި ހޯމް މިނިސްޓަރ އަލީ އިހުސާންގެ އިތުބާރު ނެތްކަމުގެ މައްސަލަ ވަންދަންވެސް އެމްޑީޕީން ވަނީ ނިންމާފައެވެ. ޑީއެންއާރު އޮންނަނީ ހޯމް މިނިސްޓްރީގެ ބެލުމުގެ ދަށުގައެވެ.
ރިއެކްޝަންސް
