ހުޅުމާލެ ދެވަނަ ފިޔަވަހީގައި ގާއިމްކޮށްފައިވާ 132 ކޭ.ވީ. ގެ ހައިވޯލްޓޭޖް ސަބްސްޓޭޝަން ގްރޭޓާމާލެ އިންޓަކަނެކްޝަން ގްރިޑާއި ގުޅާލައިފި
ހުޅުމާލެ ދެވަނަ ފިޔަވަހީގައި ގާއިމްކޮށްފައިވާ 132 ކޭ.ވީ. ގެ ހައިވޯލްޓޭޖް ސަބްސްޓޭޝަން ގްރޭޓާމާލެ އިންޓަކަނެކްޝަން ގްރިޑާއި ގުޅާލައިފިއެވެ.
ސްޓެލްކޯއިން ބުނީ ގުޅާލުމަށް ކުރި ކުރި މަސައްކަތް ކާމިޔާބުކަމާއެކު ނިންމާލެވިފައިވާ ކަމަށެވެ. މި މަސައްކަތް ކުރިއަށްގެންދިއުމަށް މާލޭގެ 10 ސަރަހައްދަކުން ކަރަންޓުގެ ހިދުމަތް މެދުކަނޑާލަންޖެހޭނެ ކަމަށް ކުރިން އަންދާޒާ ކުރެވުނު ނަމަވެސް، މޫސުން ތަންދިނުމާއެކު ކަރަންޓް ކަނޑާލަން ޖެހުނީ މާލޭގެ 2 ސަރަހައްދަކުން ކަމަށް ސްޓެލްކޯއިން ބުންޏެވެ. އަދި ކަރަނަޓް ކަނޑާލި ދެ ސަރަހަދުންވެސް ކަނޑާލަން ޖެހުނީ އެއްގަޑިއިރަށްވުރެވެސް މަދު ވަގުތު ކޮޅަކަށް ކަމަށް ސްޓެލްކޯއިން ބުންޏެވެ.
" މިކުންފުނީގެ ހިދުމަތް އިތުރަށްފުޅާކޮށް، ފުރިހަމަ ކުރުމަށްޓަކައި ކުރެވޭ މިފަދަ މަސައްކަތްތަކުގައި ކަސްޓަމަރުންގެ ފަރާތުން އަބަދުވެސް ލިބެމުން އަންނަ އެއްބާރުލުމަށް ޝުކުރު ދަންނަވަން." ސްޓެލްކޯއިން ބުންޏެވެ.
ސްޓެލްކޯގެ މެނޭޖިންގ ޑިރެކްޓަރ ހުސެއިން ފަހުމީވެސް ވަނީ އެމަސައްކަތް ކާމިޔާބުކަމާއެކު ނިންމާލުމުގައި ކުންފުނީގެ އިންޖިނިއަރުންނާއި މުވައްޒަފުން ކުރެއްވި މަސައްކަތް ފާހަގަކުރައްވާފައެވެ. އަދި ކަސްޓަމަރުންގެ އަބަދުވެސް ދެއްވާ އެއްބާރުލެއްވުން ފާހަގަކުރެއްވިއެވެ.
ރިއެކްޝަންސް
