އަމަދު ޑިއާލޯ ޔުނައިޓެޑްގެ އެއްބަސްވުން އާކޮށްފި
މިސީޒަންގައި މެންޗެސްޓަރ ޔުނައިޓެޑްގައި އެންމެ ރަނގަޅަށް ކުޅެމުން އަންނަ އެއް ކުޅުންތެރިޔާ އަމަދު ޑިއާލޯ އެއްބަސްވުން އާކޮށްފިއެވެ.
އައިވަރީކޯސްޓްގެ ވިންގަރ އެއްބަސްވުން އާކުރީ އިތުރު ފަސް އަހަރާ ބައިގެ މުއްދަތަށް ކްލަބްގައި މަޑުކުރުމަށެވެ. އާއެއްބަސްވުމުގެ ދަށުން 2030 ވަނަ އަހަރުގެ ނިޔަލަށް އޭނާ ޔުނައިޓެޑްގައި މަޑުކުރާނެއެވެ. ކުރިން އޮތް ގޮތުން 22 އަހަރުގެ ކުޅުންތެރިޔާގެ އެއްބަސްވުން މިސީޒަންގެ ނިޔަލަށް ހަމަވާނެއެވެ.
އާއެއްބަސްވުމުގައި ސޮއިކުރުމަށްފަހު ޑިއާލޯ ބުނީ ކްލަބްގައި ދިގުމުއްދަތަށް މަޑުކުރުމުގެ ފުރުޞަތު ލިބުމަކީ ފަޚުރެއް ކަމަށެވެ. މިހާރުވެސް ކްލަބާއެކު ޚާއްޞަ ވަގުތުތަކެއް އެބައޮތް ކަމަށާއި, އަދި ކްލަބާއެކު ހާސިލްކުރަންޖެހޭ ކަންކަން ގިނަ ކަމަށް ޑިއާލޯ ބުންޏެވެ. އޭނާ ބުނީ ކްލަބްގެ ތާރީޚުން ޖާގަ ހޯދަން ބޭނުންވާ ކަމަށެވެ.
ޑިއާލީ ވަނީ މިސީޒަންގައި ކުޅުނު 27 މެޗުން 6 ގޯލް ޖަހާފައެވެ. އޭނާ ޔުނައިޓެޑާ ގުޅުނީ 2021 ވަނަ އަހަރު އެވެ. 50 މެޗުން މިހާތަނަށް ޖެހުނީ 9 ގޯލެވެ.
ރިއެކްޝަންސް
