ލޯންޗަކުން ޖެހި މޫދުގައި އޮތް ފަތުރުވެރިއަކު މަރުވެއްޖެ
ލޯންޗަކުން ޖެހި މޫދުގައި އޮތް ފަތުރުވެރިއަކު މަރުވެއްޖެއެވެ. މަރުވީ އާޖެންޓީނާގެ 55 އަހަރުގެ ފިރިހެނެއް ކަމަށް ފުލުހުން ބުންޏެވެ.
ފަތުރުވެރިޔާ މަރުވީ އައިކޮމް ގްރީން ނަމަކަށް ކިޔާ ލޯންޗުން ޖެހިގެން ކަމަށް ފުލުހުން ބުންޏެވެ. މިހާދިސާ ހިނގީ މިއަދު ހެނދުނު 10:00 ހާއިރު އދ.އަތޮޅުގެ ރިސޯރޓެއް ކަމަށްވާ ރެޑިސަން ބުލު މޯލްޑިވްސް ރިސޯރޓް ބޭރުގައި ފަތުރުވެރިޔާ މޫދުގައި އޮއްވާ ކަމަށް ފުލުހުން ބުންޏެވެ. މަރުވި ފަތުރުވެރިޔާއަކީ އދ.އަތޮޅުގެ ރިސޯރޓެއްގައި ޗުއްޓީހޭދަކުރަމުން އައި ފަތުރުވެރިއެކެވެ.
ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ. އދ.އަތޮޅު ރިސޯރޓެއް ކައިރީގައި އޮތް ސަފާރިއަކުން ވެއްޓުނު ދިވެހި ޒުވާނެއް ހޯދުމުގެ މަސައްކަތްވެސް މިއަދު އެމްއެންޑީއެފްއިން ދަނީ ކުރަމުންނެވެ.
ރިއެކްޝަންސް
