116 އަހަރުގައި ދުނިޔޭގެ އެންމެ އުމުރުން ދުވަސްވީ މިހާ ޖަޕާނުގައި މަރުވެއްޖެ
ޖަޕާނުގެ ޓޮމީކޯ އިޓޫކާ މަރުވެފައިވަނީ ޑިސެމްބަރު 29 ވަނަ ދުވަހު އާޝިޔާގެ ކެއަރ ހޯމްއެއްގައި
ގިނިސް ބުކްސް އޮފް ވަރލަޑް ރިކޯރޑްސް ބުނާގޮތުން ދުނިޔޭގައި ހުރި އެންމެ އުމުރުން ދުވަސްވީ މީހާ, އުމުރުން 116 އަހަރުގައި މަރުވެއްޖެއެވެ. ޓޮމީކާ އިޓޫކާ ކިޔާ އަންހެން މިހާ މަރުވެފައި ވަނީ އެނާ ބަލަހައްޓާމުން ދިޔަ ކެއަރ ހޯމް ގައެވެ. ޖަޕާނުގެ މެދުތެރޭ ޝަހަރެއް ކަމަށްވާ އާޝިއާގައި ހުންނަ 'ހިޔޯގާ ޕްރެފެކްޓަރ' ކިޔާ ހޯމްގައި އޭނާ މަރުވެފައިވާކަން ޔަގީންކޮށްދެވީ ޖަޕާނުގެ އެލްޑަރލީ ޕޮލިސީސްގެ އިންޗާޖު ޔޮޝިޓްސުގޫ ނަގާޓާއެވެ.
ދޮންކޭލާއި ޔޯގަޓް ފްލެވަރގެ ޖަޕަނީސް ބުއިމެއްކަމަށްވާ 'ކަލްޕިސް' އަށް ވަރުހުންނަ އިޓޫކާ އުފަންވީ 23 މެއި 1908 ގައެވެ. ދުނިޔޭގެ އެންމެ އުމުރުން ދުވަސްވީ މީހާގެ މަޤާމް އިޓޫކާ އަށް ލިބުނީ އޭގެ ކުރިން ދުނިޔޭގައި ހުރި އެންމެ އުމުރުން ދުވަސްވީ މީހާ, މާރިއާ ބްރަންޔަސް 117 އަހަރުގައި މަރުވުމުންނެވެ.
އިޓޫކާއަށް އެ މަޤާމް ލިބުނުކަން އޭނާ ގާތު ބުނުމުން އޭނާ ހަމައެކަނި ބުނީ "ޝުކުރިއްޔާ" އެވެ. އޭނާ އެންމެ ފަހު އުފަންދުވަސް ފާހަގަކުރީ ޖަޕާނުގެ މޭޔަރު ހަދިޔާއަށް ދެއްވި މާބޮނޑިއާއި, ކާޑު އަދި ކޭކާއެކުއެވެ.
ޖަޕާނުގެ އޮސާކާ އަށް އުފަންވި އިޓޫކާ އަކީ ހައި ސްކޫލް ދުވަސްވަރުގައި މޮޅު ވޮލީބޯޅަ ކުޅުންތެރިއެކެވެ. އޭނާގެ ޒުވާން އުމުރުގައި އިޓޫކާ ވަނީ 3,067 މީޓަރު (10,062 ފޫޓު) ގެ އުސް މައުންޓް އޮންޓޭކް އަށް ދެފަހަރު އަރާފައެވެ.
20 އަހަރުގައި ކައިވެންޏެއް ކުރި އިޓޫކާ އަށް އަންހެން ކުދިންނާއި ދެ ފިރިހެން ކުދިން ލިބިފައިވާކަމަށް ގިނިސް ބުކުސް އޮފް ވަރލްޑް ރެކޯޑްސްގައި ވެއެވެ. ނަމަވެސް އޭގެތެރެއިން ދުނިޔޭގައި ތީބީ އެންމެ އަންހެން ކުއްޖަކާއި ފިރިހެން ކުއްޖެއް ކަމަށް ނަގާޓާ މައުލޫމާތު ދީފައިވެއެވެ. ދެވަނަ ބޮޑު ހަނގުރާމައި ދުވަސްވަރު އޭނާގެ ފިރިމީހާގެ އަންނައުނު ފެކްޓަރީ ގެ މައި އޮފީސް ބެލެހެއްޓީ އިޓޫކާއެވެ. އިޓޫކާގެ ފިރިމީހާ 1979 ގައި މަރުވުމުން ނަރާ ގައި އޭނާ ދިރިއުޅުނީ އެކަންޏެވެ.
ޖަޕާނުގައި އާންމުކޮށް އަންހެނުން ގިނަ ދުވަހު ދުނިޔޭގައި ތިބެއެވެ. ނަމަވެސް އެޤައުމުގައި އުމުރުން ދުވަސްވީ މީހުންގެ އާބާދީ އިންތިހާއަށް ބޮޑުވެ, ޑެމޮގްރަފިކް ހާލަތުވަނީ ގޯސްވެފައެވެ. މަސައްކަތް ކުރާ އުމުރުގެ މީހުން މަދުވެފައިވާއިރު, އުމުރުން ދުވަސްމީހުންގެ ބޭސްފަރުވާގެ ހަރަދު ވަނީ ބޮޑުވެފައެވެ. އެހެންކަމުން އެކަމަށް އާއިލާތަކުގައި ހޭދަކުރެވޭނެ ގޮތެއް ނެތެވެ.
އިޓޫކާގެ މަރަށްފަހު މިހާރު ދުނިޔޭގައި ހުރި އެންމެ އުމުރުން ދުވަސްވީ މިހާއަކީ 116 އަހަރުގެ ބްރެޒިލްގެ ނުން އިނަހް ކުނަބަރީ ލޫކަސް އެވެ. ޖެރެންޓޮލޮޖީ ރިސަރޗް ގުރޫޕް ބުނާގޮތުން ލޫކަސް އުފަންވެފައިވަނީ އިޓޫކާއަށްވުރެ 16 ދުވަސް ފަހުންނެވެ.
ރިއެކްޝަންސް
